Zdareńni

«Usie razyšlisia, jany zastalisia ŭdvuch». Adkrylisia niekatoryja padrabiaznaści zabojstva inžyniera «Pielenha»

Na pačatku krasavika stała viadoma, što na «Pielenhu» pažyły rabočy zabiŭ maładoha inžyniera. Jak pra adnu ź viersij, paviedamlałasia pra kanflikt na fonie vajny va Ukrainie. «Naša Niva» ŭdakładniła niekatoryja abstaviny trahiedyi. 

Pa našaj infarmacyi, usio adbyłosia ŭnačy z 4 na 5 krasavika.

55-hadovy rabočy Alaksandr D. pracavaŭ optykam 6 razradu na kanstruktarska-vytvorčym upraŭleńni «Pielenh-Optyk». U toj viečar jon zaprasiŭ da siabie kaleh — pryjšło čałaviek dvaccać. Siarod ich byŭ i 26-hadovy inžynier-technołah Alaksandr S. 

Rabočy Alaksandr D. (źleva) i zahinuły inžynier Alaksandr S.

«Śviatkavali čyjści dzień naradžeńnia ci niešta takoje. Kłasičnaje zastolle, pasiadzieli, vypili. Paśla ŭsie razyjšlisia, a S. zastaŭsia jašče pasiadzieć, bo byŭ u adpačynku, na nastupny dzień jamu nie treba było na pracu, — kaža surazmoŭca «Naša Nivy». — Padčas kanfliktu ich było tolki dvoje, tamu nielha dakładna skazać, što tam zdaryłasia».

Viadoma tolki, što ŭsio skončyłasia śmierciu maładoha inžyniera. Chutka źjaviłasia infarmacyja, što pryčynaj mahła być svarka, jakaja ŭźnikła z-za vajny va Ukrainie. 

«Tak, takija čutki sapraŭdy chodziać siarod kaleh, ale ž nichto nie moža skazać, čamu źjaviłasia takaja viersija. Śviedkaŭ ich kanfliktu ž nie było.

Viadoma, što na ciele zahinułaha było šmat udaraŭ niejkim pradmietam, dyk ciapier taksama chodziać čutki, što jaho zabili ci to nažom, ci to navat pasacižami, ale paćviardžeńniaŭ znoŭ ža niama», — raskazali «Našaj Nivie» surazmoŭcy.

Ciapier rabočy D. u SIZA, jaho abvinavačvajuć u zabojstvie. Ale ž pakul što niama nijakich śviedčańniaŭ taho, što mužčyna padtrymlivaŭ vajnu va Ukrainie, i tym bolš taho, što heta dakładna stała pryčynaj zabojstva.

D. charaktaryzujuć jak zvyčajnaha rabočaha, na «Pielenhu» taksama pracujuć jaho syn z žonkaj. Prychilnikam Pucina ci Łukašenki jaho nazvać ciažka, kažuć surazmoŭcy.

Toje ž tyčycca i zahinułaha inžyniera S. Małady chłopiec byŭ rodam z Klecka, u jaho ŭ sacsietkach u asnoŭnym futboł. Kalehi kažuć, što chłopiec nie byŭ z tych, chto aktyŭna prajaŭlaje palityčnuju pazicyju. Toje ž kazaŭ partału «Zerkalo» siabar S.: 

«S. byŭ apalityčnym čałaviekam (heta ja viedaju pa asabistym dośviedzie, my znajomyja amal 10 hadoŭ). Jon zajmaŭ niejtralnuju pazicyju ŭ dačynieńni da palityki zaŭsiody. Jon nie ŭdzielničaŭ u padziejach 2020 hoda i nikoli nie spračaŭsia na temy palityki. Toje ž tyčycca i situacyi va Ukrainie».

Kamientary

Ciapier čytajuć

Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški47

Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški

Usie naviny →
Usie naviny

U maskoŭskim «Dziciačym śviecie» adbyŭsia vybuch, paciarpieŭ supracoŭnik FSB2

Jak vyhladaje vyzvaleny eks-mer Chiersona da rasijskaha pałonu i paśla FOTAFAKT3

Jarasłava Jeŭdakimava pachavali na mohiłkach «Lasnyja». Jaho praviali pad «Fantaziora» VIDEA3

Taliby pryjechali ŭ Biełaruś, kab pravieryć, jak tut utrymlivajuć afhancaŭ u turmach3

Źjaviłasia VIDEA, jak «abłomki» BPŁA padajuć na marski port va Uść-Łuzie pad Pieciarburham1

U Rastoŭskaj vobłaści bujny NPZ, padpaleny ŭkrainskim bieśpiłotnikam, haryć užo čaćviorty dzień4

Biełaruskija chirurhi praviali paśpiachovuju transpłantacyju lohkich pacyjentu z chvarobaj serca i imunadeficytam2

Biełarus nabyŭ kvateru ŭ Ispanii, ale jaje zaniali akupasy. Ciapier jon nie moža jaje viarnuć58

Režysiora minskaha teatra asudzili za vyroščvańnie doma kanoplaŭ1

bolš čytanych navin
bolš łajkanych navin

Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški47

Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški

Hałoŭnaje
Usie naviny →

Zaŭvaha:

 

 

 

 

Zakryć Paviedamić