«Sprava traŭmatołahaŭ»: niekalki čałaviek paśla kampiensacyi «škody» vyjšli ź SIZA, pracavać ich adpraŭlajuć u pryjomnyja pakoi
Jak stała viadoma «Našaj Nivie», amal usie zatrymanyja pa «spravie traŭmatołahaŭ» kampiensavali «škodu». Častku zatrymanych siońnia adpuścili i adrazu adpravili na pracu. Znanych chirurhaŭ staviać pracavać u pryjomnyja pakoi.
Viadoma pra jak minimum piać čałaviek, ale vypuščanych moža być bolš.
Daktaroŭ nakiroŭvajuć pracavać u pryjomnaje adździaleńnie, dzie akazvajecca dapamoha pry adkrytych paškodžańniach ci «prostych» pierałomach, jakija nie patrabujuć hłybokaha abśledavańnia pierad apieracyjaj.
Ale najčaściej daktary tam akazvajuć tolki ambułatornuju dapamohu i pieranakiroŭvajuć pacyjentaŭ u adździaleńnie.
«Naprykład, adzin z vypuščanych, Mikałaj Žychar — vielmi daśviedčany ŭ pratezavańni, 80% jaho apieracyj — artapiedyčnyja i nie źviazanyja z traŭmami. Heta jak noŭtbukam zabivać ćviki», — kamientuje detali naš abaznany surazmoŭca.
Nahadajem, pry kancy sakavika pa krainie prajšli masavyja aryšty artapiedaŭ-traŭmatołahaŭ.
Usio pačałosia z zatrymańnia pradstaŭnikoŭ adnoj z kampanij-pastaŭščykoŭ zamiežnych pratezaŭ.
U vinu miedykam stavicca toje, što jany brali rojałci ŭ vypadkach, kali pacyjent kuplaŭ pratezy peŭnaha pastaŭščyka.
Čytajcie taksama: «Sprava traŭmatołahaŭ»: ludziej nie vypuskajuć praz 10 sutak, stali viadomyja detali abvinavačvańnia
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary