Paviedamlajecca, što pamior rasijski miljarder Alaksandr Subocin. Iznoŭ dziŭnyja abstaviny
Pamior były top-mieniedžar «Łukojła» miljarder Alaksandr Subocin. Pra heta paviedamlaje telehram-kanał Mash.
Mahčyma, heta zdaryłasia paśla antypachmielnaha sieansu z šamanam u Myciščach.
Šaman, da jakoha źviartaŭsia miljarder, prymaŭ klijentaŭ u zvyčajnym pryvatnym domie. Siarod sposabaŭ lačeńnia byli davoli niebiaśpiečnyja — naprykład, atrutnaj žabaj. Jakija praktyki abiraŭ Subocin, nie viadoma.
Padčas apošniaha sieansu ŭ šamana miljarderu stała kiepska — zabaleła serca. Haspadar vyrašyŭ nie vyklikać chutkuju, daŭ mužčynie karvałoł i pakłaŭ spać u sklep. U vyniku Subocin pamior. Śledstva pakul vyśviatlaje pryčyny, piša Mash.
Za apošnija dva miesiacy pry dziŭnych abstavinach pamierli minimum šeść rasijskich top-mieniedžaraŭ i multymiljanieraŭ.
Kamientary