Na infarmacyju pra prodaž kliniki źviarnuła ŭvahu vydańnie Office.Life. Miedcentr znachodzicca ŭ prestyžnym rajonie niedaloka ad Drazdoŭ. Heta piacipaviarchovy budynak z haściničnymi pałatami i apieracyjnymi. Adzin z asnoŭnych napramkaŭ kliniki — płastyčnaja chirurhija. Kiraŭnik i zasnavalnik — viadomy chirurh Słavamir Chinievič. Jamu naležyć suśvietny patent na unikalny mietad lipasakcyi.
Kampaniju zarehistravaŭ u 1992 hodzie Minski harvykankam. Za historyju isnavańnia miedcentra zroblena zvyš 10 tys. apieracyj. Heta «klinika płastyčnaj chirurhii, roŭnaj pa značnaści jakoj niama ŭ Jeŭropie i na postsavieckaj prastory», — havorycca na sajcie ahienctva nieruchomaści.
Miedcentr byŭ vystaŭleny na prodaž 18 maja pa canie 3,2 młn dalaraŭ. Usie abstalavańnie i mebla ŭklučanyja ŭ košt.
U budynku centra, jak piša Zerkalo.io, piać pavierchaŭ, uklučajučy cokalny, i 1669 kvadratnych mietraŭ płoščy. Na troch pavierchach raźmieščanyja miedyčnyja i kaśmietyčnyja kabiniety, haściničnyja pałaty i apieracyjnyja, kanfierenc-zała, dzie možna nazirać za videatranślacyjaj apieracyj. Majecca ŭłasnaja kacielnia i zona adpačynku. Da budynka prylahaje terytoryja ŭ 20 sotak ź videanazirańniem i achovaj.
U mai ŭ Biełarusi adbylisia dziaržaŭnyja represii suprać šerahu pryvatnych miedycynskich centraŭ, pieradusim takich bujnych, jak «Łade» i «Nardzin». Ci źviazany z hetym prodaž Chinieviča i K, infarmacyi pakul niama.
Čytajcie taksama:
«Vyhladaje, jak začystka rynku na karyść «svajoj» pryvatnaj miedycyny». Što staić za pahromam miedcentraŭ
Ciapier čytajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ88
Kamientary