U Biełarusi jość svaja test-sistema dla dyjahnostyki vospy małpaŭ
Dyrektar RNPC epidemijałohii i mikrabijałohii Uładzimir Harbunoŭ raskazaŭ siońnia žurnalistam, što ŭ jaho viedamstvie niekalki hadoŭ tamu była raspracavanaja technałohija stvareńnia test-sistem dla dyjahnostyki roznych infiekcyjnych zachvorvańniaŭ. Ciapier takaja technałohija stvoranaja i dla łabaratornaj dyjahnostyki vospy małpaŭ.
Pavodle Harbunova, heta standartnaja PŁR-technałohija, jakaja ŭklučaje ŭ siabie niekalki etapaŭ.
«Dumaju, dyjahnostyku pačniom rabić u našym centry, jon stvorany pad asabliva niebiaśpiečnyja infiekcyi, u nas jość usie mahčymaści dla hetaha. Pa kryteryi SAAZ, vospa małpaŭ adnosicca da 3-j hrupy bijaryzyki. Našy kryteryi bolš žorstkija, tak što ŭ nas — da 4-j hrupy. Heta značyć, treba pracavać u samych žorstkich umovach biaśpieki», — skazaŭ Uładzimir Harbunoŭ.
Test-sistema pracuje davoli chutka, vyniki dyjahnostyki buduć viadomyja na praciahu niekalkich hadzin paśla pastupleńnia bijamateryjału. Zrešty, Harbunoŭ upeŭnieny, što šyrokaha prymianieńnia hetaja test-sistema nie znojdzie, bo jon nie dumaje, što vospa małpaŭ nadta ŭ nas raspaŭsiudzicca.
Što da mahčymaj vakcynacyi, to, pavodle śpiecyjalista, «virus małpinaj vospy rodnasny virusu naturalnaj vospy. Asoby, jakija byli vakcynavanyja ad jaje, majuć imunitet. Chto naradziŭsia da 1980-ch — u hetym dačynieńni ščaśliŭčyk».
Ale pry nieabchodnaści Minzdaroŭja zmoža chutka pačać vakcynacyju, vakcyna ad vospy małpaŭ isnuje.
Ciapier čytajuć
Hurt «Drazdy» pakidaje scenu i vinavacić u hetym «hipieraktyŭnych błohieraŭ»4
Kamientary