Minski kulturny centr «Korpus» zajaviŭ pra svajo zakryćcio paśla siami hadoŭ pracy.
«Z zatrymkaj (dla jakoj byli abjektyŭnyja pryčyny) my vymušanyja abviaścić, što @cultkorpus u budynku na praśpiekcie Mašerava ŭ samym sercy Minska bolš nie žyvie. Hety zamak dla mnohich staŭ domam, ale nadyšoŭ niaŭchilny momant rasstańnia. Kamanda #cultHEROES ŭdziačnaja hetamu miescu, ale jašče bolš —usim, chto prykłaŭ ruki, mazhi i serca da ažyćciaŭleńnia našaj ahulnaj mary. Dziakuj, što nie zdradzili ideałam ruchu «Rabi — budzie!». Heta byli nievierahodnyja siem hadoŭ i my ŭpeŭnienyja, što zrabili šmat dobraha i viečnaha.
Naša kamanda i dalej budzie zajmacca vysokaj biełaruskaj sacyjakulturnaj kuchniaj, ale ŭžo na prastorach suśvietnaha kulturnaha fud-korta. Zusim chutka my pradstavim našy ekśpierymienty dla dehustacyi vam, našym darahim hurmanam. Taksama kanstruktyŭnaja siekta #cultHEROES adkrytaja dla prapanoŭ pa sumiesnaj stvaralnaj dziejnaści na karyść Biełarusi. To be continued…» — havorycca na staroncy «Korpusa» ŭ Instahramie.
Za siem hadoŭ insavańnia ŭ budynku na praśpiekcie Mašerava prajšli sotni roznych kulturnych mierapryjemstvaŭ.
U 2021 hodzie ŭ «Korpusie» byli zatrymanyja art-dyrektar Alaksandr Bahdanaŭ i scenohraf Maksim Kruk. Paśla suda, na jakim im prysudzili chimiju, jany vyjechali ź Biełarusi.
Kamientary