Biełarusaŭ u Litvu jeździć bolš, čym litoŭcaŭ u Biełaruś. Niahledziačy na adsutnaść biaźvizu
Biaźvizavy režym, uviedzieny Biełaruśsiu dla Litvy i Łatvii, dziejničaje dva miesiacy. Adnak pradstaŭnik Słužby achovy dziaržmiažy Litvy Rokas Pukinskas adznačyŭ, što biełarusaŭ u Litvu ŭsio adno pryjazdžaje bolš, čym litoŭcaŭ u Biełaruś, piša Delfi.
«U mai hramadzianie Litvy pierasiakali miažu ź Biełaruśsiu bolš za 79 000 raz (heta pajezdki ŭ abodva baki). Jość i ludzi, jakija jeździli pa 3-4 razy, my fiksujem ahulnuju kolkaść vypadkaŭ pierasiačeńnia miažy. My nie možam vyłučyć kolkaść asobnych ludziej, bo adzin i toj ža čałaviek moža jeździć šmat razoŭ za miesiac. U červieni hety pakazčyk składaje 96 291», — skazaŭ Pukinskas.
Jon dadaŭ, što biełarusaŭ u Litvu pryjazdžaje našmat bolš, čym litoŭcaŭ u Biełaruś.
«My bačym, što biełaruskaja prapahanda radujecca tamu, što da ich jedzie šmat litoŭcaŭ, ale nasamreč biełarusaŭ u Litvu pryjazdžaje bolš.
Naprykład, u mai ŭ abodva baki miažu pierasiekli bolš za 120 000 biełarusaŭ, a ŭ červieni — bolš za 137 000», — skazaŭ Pukinskas.
Jon zaŭvažyŭ, što ŭ jahonaha viedamstva niama infarmacyi, kolki litoŭcaŭ jeździć u Biełaruś z-za ŭviadzieńnia biaźvizavaha režymu. Akramia taho, pavodle jahonych słoŭ, bieź vizy litoŭcy i raniej mahli jeździć u Biełaruś — jany mahli atrymać jaje na miažy.
U Biełaruś, pa sutnaści, jeździać adny i tyja ž ludzi, jany jeździli tudy i, kali dziejničaŭ vizavy režym, skazaŭ Pukinskas. Pavodle jaho, u Biełaruś jeździać u asnoŭnym žychary pamiežnych rajonaŭ, dla jakich takija pajezdki stali krynicaj isnavańnia abo dadatkovaha «zarobku».
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ52
Kamientary
Nie artykuł a aby što