Jehipiet prapanavaŭ Izrailu i Paleścinskaj aŭtanomii zaklučyć pieramirje. Pavodle infarmacyi ahienctva Reuters, pahadnieńnie mohuć zaklučyć užo siońnia ŭviečary, piša Radyjo Svaboda.
Izrail pahadziŭsia na pieramirje, paleścincy pakul nie adkazali na hetuju prapanovu.
Paźniej źjaviłasia infarmacyja, što Izrail i Palestyna pry pasiarednictvie Jehipta nibyta damovilisia ab spynieńni ahniu ŭ siektary Haza ŭ 20 hadzin pa miascovym časie (supadaje ź biełaruskim) 7 žniŭnia. Pra heta paviedamili ahienctva Al Jazeera sa spasyłkaj na «Isłamski džychad» i pasrednickuju hrupu Jehipta i Reuters sa spasyłkaj na Jehipieckuju słužbu biaśpieki i pradstaŭnika ŭładaŭ Paleściny.
«Budzie abvieščana ab ustupleńni ŭ siłu režymu spynieńnia ahniu ŭ 17:00 pa Hrynvičy, heta značyć u 20:00 pa miascovym časie. Ciapier praciahvajucca naloty, jak i zapuski rakiet. Pierad lubym pahadnieńniem ab spynieńni ahniu ŭ papiarednich vojnach nastupajuć krytyčnyja hadziny, kali adbyvajecca šmat abstrełaŭ», — paviedamiła karespandent Al Jazeera Jumna Al-Sajed.
Armija Izraila 5 žniŭnia pačała apieracyju «Śvitanak» suprać paleścinskaj hrupoŭki «Isłamski džychad» u siektary Haza. Pradstaŭniki izrailskich vajskoŭcaŭ kazali, što bajavyja dziejańni praciahnucca stolki, kolki budzie nieabchodna.
Pavodle źviestak izrailskich ŚMI, z pačatku apieracyi z boku Hazy pa izrailskaj terytoryi było vypuščana amal 600 rakiet. Byli paranienyja kala 30 izrailcian.
U vyniku izrailskich atak pa punktach bazavańnia «Isłamskaha džychadu» zabityja dva kamandziry hrupoŭki — Chaled Mansur i Tajsir al-Džabary. Ministerstva achovy zdaroŭja Paleścinskaj aŭtanomii paviedamiła pra 32 zahinułych, siarod jakich šaściora dziaciej, i 253 paranienych u vyniku ŭdaraŭ Izraila. Armija abarony Izraila padała videaśviedčańni taho, što hibiel šaści dziaciej była vynikam padzieńnia rakiety «Isłamskaha džychadu».
Abvastreńnie araba-izrailskich supiarečnaściaŭ pačałosia ŭ paniadziełak, kali na terytoryi Zachodniaha bierahu raki Iardan byŭ aryštavany adzin ź lidaraŭ «Isłamskaha džychadu» Basam as-Saadzi. «Isłamski džychad» abviaściŭ, što nie pakinie aryšt svajho lidara biez adkazu. Izrailskaja raźviedka paviedamiła pra terakty, jakija rychtujucca z boku isłamistaŭ. Paśla hetaha ŭ piatnicu Izrail pačaŭ vajennuju apieracyju.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»18
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary