Ci treba bajacca mikrobaŭ u hramadskich prybiralniach?

Navukoŭcy kažuć, što naviedvańnie takoj prybiralni sapraŭdy moža nieści ryzyku dla zdaroŭja. Toje, nakolki hetaja ryzyka vialikaja, zaležyć ad roznych faktaraŭ, u tym liku ad taho, nakolki časta ŭ pamiaškańni prybirajuć i pravietryvajuć. Ale naviedvalniki prybiralni taksama mohuć pryniać miery, kab abaranić siabie ad mikrobaŭ, piša New York Post.

U prybiralniach ofisaŭ, samalotaŭ i kruiznych łajnieraŭ daśledčyki znachodzili noravirus, u tualetach internataŭ — salmaniełu, a ŭ prybiralniach u pačatkovaj škole — hiepatyt A. I heta nie adzinyja mikroby i virusnyja čaścinki, jakija vučonyja zdoleli vyjavić u hramadskich prybiralniach.

Bolšaść ź ich traplaje na pavierchni ŭ prybiralni praz unitaz, bo fiekalii i mača jakraz mohuć źmiaščać usie hetyja patahieny. Paśla zmyvu ŭ tualecie jany raśsiejvajucca navokał u vyhladzie aerazolnaha słupa (tualetnaha šlejfa, jak jaho nazyvajuć), jaki moža dasiahać vyšyni paŭtara mietra i zastavacca ŭ pavietry na praciahu bolš čym hadziny. Potym hety słup asiadzie na pavierchniach prybiralni.

Ale kali na vašu skuru prosta trapiać takija mikroby, u tym liku i z pavierchni ŭnitaza, vy nie abaviazkova zachvarejecie, bo infiekcyi, jakija pieranosiać hetyja patahieny, tak prosta nie pieradajucca. Vyklučeńnie — infiekcyi skury, asabliva tyja, što vyklikaje mietycylin — ustojlivy załacisty stafiłakok. Chvaroba, da jakoj jon pryvodzić, ciažka paddajecca lačeńniu.

Mietycylin-ustojlivy załacisty stafiłakok vyjaŭlali ŭ hramadskich prybiralniach, viadoma, što jon moža pieradavacca praz skuru, ale nie ŭsie ekśpierty zhodnyja z tym, što ŭ hramadskaj prybiralni hety patahien nadta niebiaśpiečny. Kali pracierci antybakteryjalnaj survetkaj siadzieńnie ŭnitaza pierad karystańniem, heta dakładna pavinna minimizavać ryzyku chvaroby. I jašče: hety vid stafiłakoku znachodzili i ŭ šmatlikich inšych hramadskich miescach, naprykład, na knopkach liftoŭ i bankamataŭ.

Myła, papiarovy ručnik i antysieptyk

Nie treba nadta spadziavacca, što nakładki na ŭnitaz abaroniać vas ad mikrobaŭ, bo, kali jany nie adnarazovyja, jany mohuć być zabrudžanyja inšymi ludźmi. Ci lepš u takim vypadku navisnuć nad siadzieńniem unitaza, kab paźbiehnuć niepasrednaha kantakta ź im? Kali možacie, to tak, ale varta być akuratnym, kab nie narabić navokał jašče bolš nieparadku i nie pavialičyć ryzyku dla inšych.

Bolš važna toje, jak vy myjecie ruki paśla prybiralni. Efiekt tualetnaha šlejfa i vykarystańnie sušyłak dla ruk spryjajuć tamu, kab patahieny raspaŭsiudžvalisia na roznych pavierchniach u vannym pakoi. Kali vy dakraniaciesia da hetych pavierchniaŭ, a potym da ŭłasnaha rota, patahieny z vysokaj vierahodnaściu trapiać u vaš arhanizm.

Efiektyŭnaja schiema myćcia ruk vyhladaje tak: zmočvajem ruki čystaj vadoj, raścirajem na ich myła na praciahu nie mienš čym 20 siekund, zmyvajem myła i vycirajem ruki. Ale ž bolšaść ludziej myjuć ruki niedastatkova doŭha, dy i nie va ŭsich prybiralniach jość myła i papiarovyja ručniki. U maleńkich prybiralniach, naprykład, u samalocie, moža być prablemaj dobra vymyć ruki dy jašče i nie dakranucca ni da jakich pavierchniaŭ paśla hetaha. Tamu paśla myćcia ruk varta skarystacca antysieptykam.

Kali vy prychodzicie ŭ hramadskuju prybiralniu z sumkaj ci kašalkom, nie kładzicie ich na padłohu, bo heta — adno z samych brudnych miescaŭ u prybiralni. Trymajcie telefon jak maha dalej, kab nie zabrudzić jaho, i starajciesia jak maha mienš dakranacca da roznych pavierchniaŭ. Taksama nie zabudźcie zakryć nakryŭku ŭnitaza pierad tym, jak zmyvać, bo heta značna źnizić pamier tualetnaha šlejfu.

I nie chvalujciesia, što ŭ hramadskaj prybiralni možna padchapić niejkija pałavyja infiekcyi. Takaja mahčymaść isnuje, ale ž jana zanadta nievierahodnaja, kab jaje ŭličvać. Patahieny, jakija vyklikajuć chvaroby nakštałt hanarei ci chłamidyjozu, doŭha nie žyvuć na pavierchniach, i kab chvaroba ŭźnikła, jany pavinny trapić u pałavyja orhany.

Jak nie zarazicca kavarnym chielikabaktaram

Hastryt: jak paźbiehnuć siezonnaha abvastreńnia

Karoŭ u Hiermanii vučać chadzić u tualet: heta dapamoža źnizić parnikovy efiekt

• 11
• 0
• 2
• 1
• 1
• 0
• 2
• 0