Uhanda paabiacała naładzić pastaŭki ŭ Rasiju elektramabilaŭ ułasnaj vytvorčaści. Akramia taho, ułady hetaj uschodnieafrykanskaj krainy zaklučyli pahadnieńnie ab budaŭnictvie zavoda z «KamAZam». Pradavać vyrablenyja ŭ krainie hruzaviki buduć na afrykanskim rynku. Pa słovach uhandyjskaha ambasadara, ułady adkrytyja da supracoŭnictva i ź inšymi rasijskimi aŭtakancernami.
Raspracoŭkaj i vypuskam aŭtamabilaŭ va Uhandzie zajmajecca dziaržaŭnaja kampanija Kiira Motors Corporation.
Kiira EV ličycca pieršym afrykanskim elektramabilem, jon byŭ pradstaŭleny ŭ 2011 hodzie. Jaho lityj-ijonnaja akumulatarnaja batareja maje jomistaść u 40 Ač. Pavodle źviestak vytvorcy, jaje chapaje na 80 km, dalej patrabujecca padzaradka.
Uhanda raźličvaje ŭstalavać pramyja avijaznosiny z Rasijaj i nie vyklučyła pieravodu dvuchbakovaha handlu na nacyjanalnyja valuty. U ciapierašni čas kraina ekspartuje ŭ RF sadavinu i kavu.
Uhanda — kraina z uładaj, jakaja nie mianiajecca dziesiacihodździami, joj z dalokaha 1986 hoda kiruje prezident Joviery Musievieni. Heta adzin z rekordaŭ praciahłaści kiravańnia ŭ sučasnym śviecie, daŭžej za jaho z tych pravicielaŭ, jakija nie źjaŭlajucca spadčynnymi manarchami, kirujuć svaimi krainami tolki prezident Ekvataryjalnaj Hviniei Teadora Abijanh Nhiema Mbasoha, prezident Kamieruna Pol Bija i premjer-ministr Kambodžy Chun Sien.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj31
Kamientary