Kiraŭnik Akademii navuk: Biełaruś budzie vypuskać vakcyny, «adaptavanyja dla našych ludziej»
Na naradzie ŭ AAT «BiełVicunifarm», jakoje mieścicca ŭ Viciebskim rajonie i na jakim u kancy listapada pačnuć vypuskać biełaruskuju vakcynu ad COVID-19, staršynia Prezidyuma NAN Biełarusi Uładzimir Husakoŭ padzialiŭsia niečakanaj infarmacyjaj pra toje, što heta budzie za vakcyna. Pavodle jaho, jana budzie ŭličvać «terytaryjalnuju i hienietyčnyja asablivaści biełarusaŭ».
Pavodle Husakova, dośledna-vytvorčy cech AAT «BiełVicunifarm» užo zabiaśpiečany ŭsim patrebnym abstalavańniem i hatovy da vypusku pieršaj doślednaj partyi. Vakcyna nibyta ŭžo prajšła dakliničnyja vyprabavańni i pakazała vysokuju efiektyŭnaść, a ciapier na čarzie — kliničnyja vyprabavańni z dobraachvotnikami. Płanujecca na pradpryjemstvie ŭ Viciebskim rajonie vypuskać vakcyny i ad inšych chvarob.
Pavodle Husakova,
«heta buduć adaptavanyja vakcyny dla našych ludziej z ulikam terytaryjalnaj i hienietyčnych asablivaściaŭ biełarusaŭ. Jak viadoma, vakcyny, jakija vyrablajucca za miažoj, mohuć dziejničać na žycharoŭ inšych krain inakš, čym na karennaje nasielnictva, i mieć inšuju karcinu reakcyi na takija preparaty».
Čytajcie taksama:
U Biełarusi źjavicca jašče adna ajčynnaja vakcyna ad kavidu. Hetym razam u tabletkach
Dakliničnyja vyprabavańni biełaruskaj vakcyny ad COVID-19 pačnuć pravodzić z 1 śniežnia
Bližejšym časam buduć vyzvaleny bolš za 150 palitźniavolenych39
Kamientary