Stała viadoma, jakim kodavym słovam łukašysty nazyvajuć palityčnych
Pa hetym słovie ich adroźnivajuć sudździ i milicyjanty.
«Nas pryvieźli z Frunzienskaha RUUSa razam z pjanymi, narkamanam, paraj bieschacincaŭ, — raskazvaje ŭ sacyjalnych sietkach žančyna. — Niekatoryja pavodzili siabie šalona, ale adčuvałasia, što piersanału hety kantynhient blizki, zrazumieły. «Dva kantrolnyja», — skazali pra nas na pryjomie».
«Mianie i jašče adnaho chłopca, da jakoha ŭranku pryjšoŭ HUBAZiK, pryvieźli na Akreścina paśla suda. «Dvoje kantrolnych», — skazali jany, kali pieradavali nas nahladčyku».
«Sudździa kaža milicyjantu-kanvairu: «Siońnia ŭ mianie tolki kantrolnyja».
Hetyja vykazvańni byli zroblenyja ŭ rozny čas i ŭ roznych miescach. Možna zrabić vysnovu, što heta kodavaje słova ŭ łukašystaŭ. Litara «K», nakolki viadoma, staviłasia i na dakumientach. Sudździ vynosiać palityčnym zahadzia vyznačanyja prysudy, a ŭ izalatarach časovaha ŭtrymańnia dla ich stvarajuć umovy, roŭnyja katavańniu: im nie dajuć paścielaŭ, nie dajuć spać, atrymlivać pieradačy, źmiaščajuć u adnamiesnyja kamiery pa šeść čałaviek, u šaścimiesnych — pa 20—30 čałaviek.
Važna, kab miechanizmy masavych represij i imiony kataŭ dakumientavalisia. Znachodźcie, kali łaska, mahčymaść pieradavać hetuju infarmacyju ŭ ŚMI ci pravaabaroncam.
Nahadajem, što dasyłać možna nam u telehram-bot abo na Nivanasha@gmail.com. A najlepš — tym redaktaram i žurnalistam «Našaj Nivy», jakich vy asabista viedajecie. Možna heta rabić nie naŭprost, a praz vašych rodnych ci siabroŭ, jakija žyvuć za miažoju.
«Naša Niva» — bastyjon biełaruščyny
PADTRYMAĆ
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj36
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary
Chto ŭ siaredzinie 80-ch moh ujavić, što praz 5-6 hadoŭ saŭka nie stanie?