Jak centralizacyja ES adabjecca na adnosinach Jeŭrasajuza ź Biełaruśsiu? Adkazvaje Stefan Eryksan, pasoł Šviecyi ŭ Biełarusi.
Jak centralizacyja ES adabjecca na adnosinach Jeŭrasajuza ź Biełaruśsiu? Adkazvaje Stefan Eryksan, pasoł Šviecyi ŭ Biełarusi.
Stefan Eryksan: Nie zusim jasnaja situacyja ź Lisabonskim pahadnieńniem narešcie pačała vyrašacca, i hetamu paspryjała praviadzieńnie refierendumu ŭ Irłandyi.
SE: Niapeŭnaść była niadobraj jak dla samoj Jeŭropy, tak i dla Biełarusi — najbližejšaha susieda i handlovaha partniora. Ciapier možna spadziavacca, što zamiežnaja palityka Jeŭrasajuza stanie bolš skaardynavanaj i paśladoŭnaj, što ŭniasie bolšuju peŭnaść i ŭ adnosiny ź Biełaruśsiu.
«Naša Niva»: Ci nie budzie centralizacyja Jeŭrasajuza zaminać samaidentyfikacyi kožnaj asobnaj krainy?
SE: Ź ciaham času ŭsie krainy ES dobraachvotna pryjšli da vysnovy, što dla bolš efiektyŭnaha vyrašeńnia ahulnych prablem va ŭmovach hłabalizacyi prosta nieabchodna stvaryć supolnyja struktury. Jeŭrasajuz — heta supolnaść z 27 krain, jakaja ni ŭ jakim razie nie admianiaje samabytnaść i ŭnikalnaść kožnaj ź ich, a tolki dapamahaje vyrašyć tyja prablemy, jakim krainy nie zdolnyja dać rady paasobku.
«NN»: Centralizacyja ES moža vyklikać pierastanoŭku sił pamiž Jeŭrasajuzam i takimi bujnymi dziaržavami jak ZŠA i Rasija?
SE: Asnoŭnaja zadača centralizacyi Jeŭrasajuza — udaskanalić unutranyja miechanizmy funkcyjanavańnia hetaj davoli składanaj supolnaści. Kaniešnie, jość spadziavańnie na ekanamičnaje i palityčnaje ŭzmacnieńnie našych krain, adnak takoj mety, jak źmiena hieapalityčnaj rasstanoŭki sił, my niepasredna nie pieraśledujem.
Kamientary