Vyjšaŭ z druku kalandar ź biełaruskimi słovami i malunkami na kožny dzień
Vydadzieny «Naš kalandar» na 2023 hod. Jon dapamoža ŭ niazmušanaj maniery vyvučyć šmat biełaruskich słoŭ, a jaskravyja, pazityŭnyja malunki padymuć nastroj. Na kožny dzień hoda — svajo, admietnaje słovazłučeńnie na rodnaj movie i malunak, jaki jaho tłumačyć.
Kalandar budzie karysny nie tolki tym, chto robić pieršyja kroki ŭ vyvučeńni biełaruskaj movy, ale taksama ŭzbahacić słoŭnikavy zapas dobrych znaŭcaŭ rodnaj movy.
Voś, da prykładu, ci viedajecie vy, što takoje viechcik? A žyrandola ci vietach? U kalendary šmat sakavitych, admietnych słoŭcaŭ na samyja roznyja temy.
Pačynajecca kalandar kaśmična-hieahrafičnaj temaj. Tut jość nazvy niekatorych suzorjaŭ, bakoŭ śvietu, pryrodnych źjaŭ. U lutym kalandar prapanuje zavitać na kuchniu dy daviedacca nazvy posudu. U sakaviku i krasaviku, jak i maje być z nadychodam viasny, vychodzim z chaty ŭ dvor dy vyvučajem, što navokał.
U traŭni daviedajemsia nazvy roznych instrumientaŭ, červieński razvarot kalendara dapamoža vypravicca ŭ vandroŭku…
A jakim temam pryśviečany inšyja miesiacy, daviedajeciesia, kali nabudziecie kalandar.
Jaho ŭžo možna znajści ŭ minskich kramach i kniharniach «Knižnaja šafa», «Umnyj kit» (Korš-Sablina, 3), HC «Kupałaŭski» (krama 41-42, st.m. Kastryčnickaja), kramie «Cudoŭnia» ŭ Hrodnie, kniharni «Krynicy viedaŭ» u Babrujsku, internet-kniharniach knihi.by, tn.by, kniganosha.by, kniger.by.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary