Dziaŭčyna z Homiela kupiła kałhotki, a paśla daždžu vyjaviŭsia niepryjemny siurpryz
U Volhi zdaryłasia situacyja, jakuju jana sama apisvaje jak «zabaŭna, kali b nie było tak sumna». Hamialčanka kupiła kałhotki i paśla daždžu vyjaviła dziŭny siurpryz u vyhladzie zaŭvažnych plam. Ale vytvorca kaža, što takoje mahčyma, piša Onliner.by.
Pa słovach Volhi, kałhotki sustrelisia z daždžom, kali jana nadzieła ich pieršy raz.
— Źjavilisia «prałysiny», praz hadzinu znachodžańnia ŭ ofisie ničoha nie źmianiłasia. Da viečara situacyja zastałasia raniejšaj. Vyrazna bačnyja plamki. Ujavicie moj stan, kali ŭvieś dzień daviałosia chadzić «plamistaj» plus naviedać u škole baćkoŭski schod.
Volha nakiravała pretenziju na elektronnuju poštu Conte, vytvorcy nabytych joju kałhotak, dzie prasiła pravieści ekśpiertyzu jakaści i viarnuć hrošy. Joj prapanavali viarnuć kałhotki na pravierku, dziaŭčyna tak i zrabiła.
— Praź niekalki dzion sa mnoj źviazałasia zahadčyca kramy z prapanovaj mnie zabrać hetyja kałhotki i praciahnuć nasić. Na elektronnuju poštu mnie vysłali akt pravierki pretenzii ab jakaści pradukcyi z adznakaj «admoŭlena» i pamiatku pakupniku. U akcie pakazana, što vytvorčy brak nie znojdzieny, pry vypusku vyrab adpaviadaje patrabavańniam DASTa i sortu.
Voś rašeńnie ad vytvorcy, što rabić: «kali na vašy kałhotki trapiła vada ci vy dakranulisia da ich mokrymi rukami, moža ŭtvarycca efiekt biełaj «plamy», dastatkova prosta raŭnamierna namačyć i vysušyć kałhotki, i jany znoŭ nabuduć pieršapačatkovy vyhlad».
— Majmu abureńniu niama miažy. Na dumku vytvorcy, treba było źniać kałhotki, namačyć i vysušyć u ofisie, dy ŭsio roŭna dzie, ale hałoŭnaje — prosta namačyć i vysušyć — i vuala, — kaža Volha.
Juryst Alena Kučynskaja tłumačyć, što kali vytvorca adchiliŭ pretenziju pakupnicy, ale jana ŭsio roŭna ličyć tavar niajakasnym, to ŭ jaje jość prava na praviadzieńnie niezaležnaj ekśpiertyzy.
Tut jość dva varyjanty: zapatrabavać ad vytvorcy pravieści jaje albo źviarnucca ŭ ekśpiertnuju arhanizacyju samastojna.
— Kali pakupnica zapatrabuje niezaležnuju ekśpiertyzu i vytvorca pahodzicca na jaje praviadzieńnie, to jon i apłačvaje adpaviednyja vydatki. Ale kali vynik ekśpiertyzy budzie nie na karyść spažyŭca, to vytvorca moža spahnać košt ekśpiertyzy z pakupnika.
Kali ž pakupnica sama apłacić ekśpiertyzu i tavar budzie pryznany niajakasnym, to jana zmoža zapatrabavać pakryć košt pakupki i ekśpiertyzy, a taksama zajavić patrabavańnie ab kampiensacyi maralnaj škody.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary