Mierkavańni55

Staś Karpaŭ: Biełaruś — idealny prykład taho, što zdarajecca z krainaj, dzie ruskim dajuć usio, čaho jany patrabujuć

«Biełaruś uzoru 2022 hoda varta źmiaścić pad šklany kaŭpak i adnieści ŭ muziej etałonaŭ», — piša Staś Karpaŭ u svaim fejsbuku.

Ułasna kažučy, Biełaruś uzoru 2022 hoda varta źmiaścić pad šklany kaŭpak i adnieści ŭ muziej etałonaŭ. A tam, u muziei, treba prylapić da kaŭpaka šyldačku z nadpisam: idealny prykład taho, što zdarajecca z krainaj, dzie ruskim dajuć usio, čaho jany patrabujuć.

«Nu i čaho?» — spytajecie mianie vy. Pytańniečka na miljončyk.

Kali b rasiejcy nasili ŭnutry siabie skryžal z padrabiaznym zapisam svaich patrabavańniaŭ — zdorava było b. Ale spytaj u ruskaha: čaho tabie niestaje ŭ ZŠA, ci tam u Hiermanii, dzie ty 20 hadoŭ jak žyvieš? Ci ŭ Aŭstralii, dzie ty nikoli nie pabyvaješ? I tabie adkažuć: «Ja, c***, russkij. I ja choču, čtoby oni poniali, čto ja ich, ***, v łužie, ***, utoplu jeśli oni, ***, nie pojmut, kto ja jesť i kto oni jesť, poniał?».

Adpaviedna, u luboj krainie śvietu, dzie ruskija patrabujuć pravoŭ, im nievynosna nie «biaspraŭje». Im nievynosna, što jany musiać žadańnie pakazać «kto ty s*** jesť» abhortvać u absalutna niaznačnyja dypłamatyčnyja farmuloŭki kštałtu svaich simvałaŭ viery typu savieckich sałdataŭ ci ruskich škoł pa dziesiać štuk na mietr.

Adpaviedna, hetaja členistanohaja ŭpartaść, ź jakoj naša «ŭłada» abhładvaje miahki žyvot najlepšaha, što jość u Biełarusi, hetaje niaspyńniaje aźviareńnie, — heta tak vyhladaje realizacyja pravoŭ ruskich ludziej.

Ździrać ź ciabie skuru pad rohat pra tvaju kulturnuju niepaŭnavartaść, pieramiašanuju z voplami pra no kenseł kałča (usie anhielskija słovy, jakija varta viedać ruskamu čałavieku).

Takim čynam, asablivy sadyzm «biełaruskaj ułady» vynikaje mienavita z frustracyi ruskaha čałavieka. Frustracyi ad taho, što im prychodzicca padbirać eŭfiemizmy i adšukvać pad svaim pancyram chrybiet, kab vyhnucca i nie skazać, što «my — ruskija». 

Kab nienavidzieć biełarusaŭ i rabić ź ich ruskich, nazyvajučy samich siabie nie ruskimi, a biełarusami. 

Źniščać biełaruskuju movu, klenučysia ŭ lubovi da biełaruskaj movy. 

Źniščać niezaležnaść, biaskonca raskazvajučy pra kaštoŭnaść niezaležnaści. 

Vyvučać sapraŭdnuju historyju biełarusaŭ, kab sprabavać jaje kalektyŭna zabyć. 

Prydumvać šmattomnyja adzinki makułatury, kab pasprabavać rastłumačyć, čamu kraina, jakaja zabivała biełarusaŭ stahodździami, — heta «sumiesnaja braterskaja historyja», a krainy, ź jakimi była sumiesnaja historyja, — heta kancentrat biaskoncaha pryhniotu, jaki treba previentyŭna źniščyć pad zavyvańnie ab žadańni miru i stabilnaści.

Biełaruś — heta kraina, dzie ruskija biezumoŭna damahlisia čaho chacieli — abjekta prynižeńnia i mahčymaści prynižeńnia.

Inakš kažučy — mahčymaści repraducyravać Rasiju praź fizičnaje pieramołvańnie niaruskaha. Tak što, naprykład, estoncam nie maje sensu vieści dysputy pra pierśpiektyvy raźvićcia jakoj-niebudź Narvy. Voś jana, pierśpiektyva.

Kamientary5

  • Skukotiŝaaa
    20.12.2022
    Inohda łučšie žievať, čiem stučať po "kłavie". Słabieńko i primitivnieńko. 
    • Juraś
      21.12.2022
      Skukotiŝaaa, ruski karabiel idzi...
  • Ustavšij ot płochich novostiej
    20.12.2022
    Očień čiestno, očień točno i emocionalno.
    Pośle biełaruskoj riekonkisty, našiej nacionalnoj političieskoj prohrammoj možiet stať:
    Diekołonizacija.
    Dierusifikacija.
    Diesovietizacija.
    V samom širokom i hłubokom smyśle.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»12

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»

Usie naviny →
Usie naviny

Capkała prosić brytanskuju palicyju pravieryć, ci chacieŭ Łatuška spalić Cichanoŭskuju28

«Razabrali budaŭničyja aharodžy za noč»: minčanie 20 hadoŭ zmahajucca za mini-park suprać AZS2

Pieršaje vydańnie «Chobita» pradali za rekordnyja hrošy

75-hadovy dziadula ŭ Miadzielskim rajonie adpraviŭsia na rovary ŭ 30-kiłamietrovy pachod i prapaŭ5

Startap biełarusaŭ, jaki pracuje na Halivud, trapiŭ na ekrany Tajms-skvier1

Mikołu Statkieviču siońnia spoŭniłasia 69 hadoŭ1

Milinkievič: Kali pahladzieć na vopyt inšych krain, najbolšy pośpiech byŭ tam, dzie ŭdałosia sprahnazavać i realizavać dyjałoh27

Kryšcijanu Ranałdu zrabiŭ prapanovu Džardžynie Radryhies3

Tramp nakiravaŭ Nacyjanalnuju hvardyju ŭ Vašynhton i zapatrabavaŭ ad biazdomnych pakinuć horad3

bolš čytanych navin
bolš łajkanych navin

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»12

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»

Hałoŭnaje
Usie naviny →

Zaŭvaha:

 

 

 

 

Zakryć Paviedamić