Minčanka pakinuła 2000 zvarotaŭ na partale 115.bieł. U tym liku z-za miažy
Ekaaktyvisty ź biaspłatnaj infarmacyjnaj słužby pa rašeńni ekaprablem «Zialony telefon» pahavaryli ź minčankaj, jakaja pakinuła 2000 zvarotaŭ na partale 115.bieł i nie źbirajecca spyniacca, piša Citydog.by.
Što adbyłosia
Minčanka Palina Burko, jakaja źjaŭlajecca ekaaktyvistkaj i ŭ ciapierašni momant žyvie ŭ Ryzie, ličyć, što zvarot na 115.bieł — «heta vielmi prosty i biaśpiečny mietad aktyvizmu, jaki možna praktykavać ź luboj kropki płaniety. Navat kali vy pierajechali za miažu, ništo vam nie pieraškadžaje palepšyć svoj rodny horad: prahladajučy čužyja historyi ŭ Instagram, možna zaŭvažyć prablemu i paskardzicca praz 115.bieł».
Palina raspaviała, što pačała aktyŭna źviartacca ŭ słužbu ŭ vieraśni 2020 hoda: «Chaciełasia niejak zaniać ŽESy, kab zamiest taho, kab rezać bieł-čyrvona-biełyja stužački i zafarboŭvać palityčnyja hrafici, jany zanialisia vyrašeńniem realnych bytavych prablem».
U niejki momant kolkaść jaje zvarotaŭ dajšła da tysiačy ci navat dźviuch, choć ciapier dadatak pakazvaje ličbu 522: «Mahčyma, niejkaja častka była vydalenaja, ale niešta i vyrašyli».
Historyi zvarotaŭ
«Moj samy «lubimy» vypadak, — raspaviadaje Palina — pra tratuar na prypynku kala majho doma. Jon doŭhi čas byŭ u nastolki žachlivym stanie, što znajomaja babula złamała z-za jaho klučycu.
I ja, i šerah inšych ludziej z vosieni 2020 hoda nakiroŭvali zvaroty z prośbaj prakłaści ŭ tym miescy novuju darožku, ale prablema doŭhi čas ihnaravałasia. Skončyłasia ŭsio tym, što ŭ adnym zapycie ja napisała, što pačnu pisać va ŭsie ŚMI. I raptam praca pačałasia, i ŭvosień 2021 hoda na tym miescy ŭžo lažaŭ novy tratuar».
Byli i miłyja vypadki. Naprykład, skarhi na toje, što kala stancyi mietro «Instytut kultury» na vulicy Mahiloŭskaj jość nievialikaja, zavalenaja śmiećciem pustka. Tam nie tolki ŭsio prybrali, ale i pasadzili kusty i drevy.
Sa śmiešnaha dziaŭčyna ŭspaminała, jak niekalki razoŭ prasiła prybrać śmiećcie kala svajho doma — na što atrymała zvanok z ŽESa z paradaj «pamienš hulać, kab adpraŭlać im mienš zvarotaŭ».
Čytajcie taksama:
Vas tut kličuć na adkryty anłajn-zaniatak pa biełaruskaj movie
U Minsku začyniajecca adzin z najstarejšych sałonaŭ pryhažości
Ciapier čytajuć
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju26
Kamientary