Pieśni Last Christmas ad Džordža Majkła i Happy New Year ad ABBA — sapraŭdnyja śviatočnyja chity. A ci viedajecie vy historyju ich stvareńnia? Pra niečakanyja pavaroty piša miedyja «Słych».
Historyja niaščasnaha kachańnia
Pieśniu Last Christmas prydumali ŭ žniŭni 1984 hoda, a vypuścili ŭ śniežni. Džordž Majkł samastojna vykanaŭ i zapisaŭ usie partyi i instrumienty.
Endru Rydžli, kaleha Majkła pa duecie Wham!, uspaminaje momant stvareńnia kampazicyi:
«My pajeli i adpačyvali pierad televizaram, kali Džordž amal niezaŭvažna źnik prykładna na hadzinu. Kali viarnuŭsia, to chvalavaŭsia tak, byccam znajšoŭ zołata, jakoje, u peŭnym sensie, u jaho sapraŭdy było.
My pajšli ŭ jaho stary pakoj, dzie jon trymaŭ sintezatar, i jon syhraŭ mnie vabnuju, zadumiennuju miełodyju prypievu Last Christmas i praśpiavaŭ pieršyja słovy. Heta byŭ dziŭny momant.
Džordž stvaryŭ muzyčnuju ałchimiju, pakłaŭ sutnaść Kaladaŭ na muzyku. Liryka, u jakoj raspaviadałasia historyja niaščasnaha kachańnia, stała majsterskim udaram i, jak Džordž heta časta rabiŭ, začapiła za žyvoje».
Last Christmas zaniała druhoje miesca ŭ brytanskich čartach. Heta była samaja pradavanaja pieśnia ŭ historyi brytanskaj pop-muzyki, jakaja nikoli nie zajmała pieršaje miesca ŭ čartach.
Los skłaŭsia tak, što jaje vykanaŭca Džordž Majkł pamior ad sardečnaj niedastatkovaści na Kalady — 25 śniežnia 2016 hoda.
«Šampanskaha bolš niama»
Śviatočnaja pieśnia Happy New Year ad ABBA nie takaja viasiołaja, jak padajecca.
«Šampanskaha bolš niama,
I fiejervierki skončylisia.
A my tut — ty i ja,
Pryhniečanyja i sumnyja.
Heta kaniec viečarynki,
I ranica zdajecca takoj šeraj,
Takoj nie padobnaj na ŭčorašni dzień»,
— śpiavajecca ŭ chicie.
U prypievie ž hučyć radok, što biez nadziei «zastajecca tolki lehčy i pamierci».
Hitaryst ABBA Bjorn Ulvieus i kłavišnik Beni Andersan chacieli napisać nieviasiołuju pieśniu pra śviaty. Pieršapačatkovy varyjant Happy New Year nazyvaŭsia Daddy Don't Get Drunk On Christmas Day («Tata, nie napivajsia na Kalady»).
Adnak z časam pieśnia transfarmavałasia. Taki nastroj byŭ abumoŭleny paharšeńniem adnosin Bjorna Ulvieusa i jaho žonki Ahniety Fieltskuh (błandzinki z ABBA). Pieśniu vypuścili ŭ jakaści sinhła ŭ 1980 hodzie. U tym ža hodzie para aficyjna skasavała šlub.
Happy New Year — heta historyja niaščasnaha kachańnia, jakoje razburajecca pad Novy hod. I choć hieroi pieśni čakajuć i molacca, kab u novym hodzie znajści siły siabie pieraadoleć i adšukać vychad, dzieści ŭ hłybini dušy jany razumiejuć, što prosta adciahvajuć niepaźbiežnaje.
Ciapier čytajuć
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju1
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie6666
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary