Protaijerej Lemiašonak pachvaliŭ Łukašenku za padtrymku Rasii ŭ vajnie i nie tolki
Duchoŭnik Śviata-Jelizaviecinskaha manastyra protaijerej Andrej Lemiašonak padčas kaladnaha pryjezdu Łukašenki padziakavaŭ jamu za toje, što šmat chto ličyć złačynstvami.
Lemiašonak sa słovami «asoba maje vialikaje značeńnie» vykazaŭ zachapleńnie Łukašenkam, što padčas pandemii toj nie zakryŭ vytvorčaść, nie zakryŭ chramy dla naviedvańnia.
Pratesty paśla vybaraŭ 2020 hoda Lemiašonak nazvaŭ smutaj. «Ludzi nie razumieli, što jany rabili. Vy — z narodam. I naša kraina zastałasia niezaležnaj i cełasnaj».
Pavodle Lemiašonka, siońnia treba być advažnym, kab skazać «My z Rasijaj». «Heta sapraŭdy pa-pravasłaŭnamu, i za hetuju praŭdu, za toje, što nie šukajecie niezrazumiełych chadoŭ, a kažacie, što ŭ vas na sercy, i boh čuje vas i dapamahaje vam, i budzie dapamahać. I my zaŭsiody budziem z vami», — skazaŭ Lemiašonak.
Hetuju pramovu Lemiašonka kanał «Puł pieršaha» vykłaŭ z remarkaj, što Łukašenka nibyta nie lubić pachvały, ale heta treba pasłuchać.
«U Kalady nie tolki pra Chrysta, ale i pra iradaŭ», — adreahavała na vizit Łukašenki ŭ manastyr teołah Natalla Vasilevič.
«Chramam dla naviedvańnia na śviata i dla palityčnaj pramovy Łukašenka abraŭ samaje ŭdałaje miesca ŭ Biełarusi — Śviata-Jelizaviecinski manastyr». Vasilevič piša, što pryjezd «daŭ nam novy materyjał na hetych biznesoŭcaŭ ad relihii, novyja paćviardžeńni taho, što jany całkam padtrymlivajuć i absłuhoŭvajuć režym Łukašenki».
Akramia taho, jana zaŭvažyła, što vizit «čarhovy raz pakazaŭ, što Fiodara Poŭnaha bolš nie varta brać pad uvahu jak fihuru ŭpłyvu, na jaho miesca zastupili Mitrapalit Vienijamin i protaijerej Andrej Lemiašonak».
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi8
Kamientary