Vajna44

Anarchist z Pałka Kalinoŭskaha — pra napružanyja adnosiny ź siamjoj i jak try kantuzii źmianili jaho śviadomaść

Na kanale Siarhieja Biaspałava vyjšła videa ź biełaruskim dabraachvotnikam Emilijem «Babrom» Łabiejkam. Raskazvajem, što cikavaha my pra jaho daviedalisia.

Emilij Łabiejka. Fota: jutub-kanał Siarhieja Biaspałava

Emilij Łabiejka rodam z Babrujska i ciapier jamu 22 hady. U chłopca dvoje dziaciej. U 2020 hodzie Emil pastupiŭ u BDUIR na zavočnaje, ale paśla žnivieńskich padziej vyrašyŭ kinuć.

U 2020-m jon aktyŭna ŭdzielničaŭ u ruchu za svabodnyja vybary ŭ rodnym horadzie. Praz heta jany pasvarylisia z baćkam-łukašystam, jaki skazaŭ, što «daviŭ pratestunoŭ jašče ŭ 96-m i pierad rodnym synam nie spynicca». Paśla adjezdu Emilija ŭ Polšču zamiest słova na darohu jon vysłaŭ jamu abraźlivaje paviedamleńnie.

Abraźlivaje paviedamleńnie ad baćki Emilija.

Maci chacieła, kab chłopiec atrymaŭ dypłom i žyŭ «jak usie». Praz toje, što Emilij chacieŭ žyć inačaj, u ich adbyŭsia kanflikt, i jany amal nie kantaktujuć. Pierad pajezdkaj u Polšču jana skazała chłopcu, što «adrakajecca takoha syna».

Paśla žnivieńskich padziej chłopiec taksama pačaŭ vyznavać anarchisckija pohlady. Na jahonaj šyi krasujecca čorna-čyrvonaja litara A ŭ kole — adzin ź simvałaŭ anarchisckaha ruchu.

Tatuiroŭka na šyi Emilija. Fota: jutub-kanał Siarhieja Biaspałava

Da vajny Emil žyŭ u Polščy i pracavaŭ u «Makdonaldsie». Kali pačałasia vajna, chłopiec adrazu vyrašyŭ dla siabie, što jon musić pajechać va Ukrainu, kab dapamahčy ŭkraincam vystajać.

U chłopca da 2022 hoda nie było nijakaha dośviedu i jon navat nie prydatny dla biełaruskaha vojska, bo zusim nie čuje na adno vucha. Ale heta nie stała prablemaj.

Niahledziačy na składanyja adnosiny, pieršy i adziny, kamu chłopiec raskazaŭ pra toje, što jedzie va Ukrainu, byŭ akurat baćka. Jon pazvaniŭ jamu ź ciahnika i raskazaŭ, što jedzie vajavać. Maci daviedałasia pra toje, što jon vajuje, užo ad KDBšnikaŭ, jakija pryjšli da jaje dadomu.

Emilij na adnym z «bajavych»

Emilij ščymliva raspaviadaje i pra Ivana «Bresta» Marčuka: «Brest byŭ zaŭždy pieršy. Jon vałodaŭ mocnym myśleńniem i ŭmieŭ skaardynavać nas navat u samych składanych situacyjach.

Brest staŭ čałaviekam, jakomu ja sapraŭdy byŭ hatovy davieryć svajo žyćcio i iści ź im kudy zaŭhodna. Ja skazaŭ sabie tady prostyja słovy: ja hatovy pamierci za Bresta. I choć jon zahinuŭ, ale nie zdradziŭ svaim idejam i išoŭ da apošniaha».

Emilij atrymaŭ try kantuzii. Pieršuju — padčas boja pad Łazavym, za płacdarm na levym bierazie Inhulca, jaki adkryvaŭ darohu da Chiersona. Tady kala chłopca razarvaŭsia artyleryjski snarad, a paśla mina. Heta była kantuzija hałaŭnoha mozhu.

Druhuju kantuziju Emil atrymaŭ u Zaparožskaj vobłaści i heta była kantuzija ŭsiaho arhanizma. Z-za taho, što chłopiec niedastatkova ŭvahi ŭdzialiŭ lačeńniu pieršaj kantuzii, u jaho raźviŭsia posttraŭmatyčny razład, jaki mocna ŭpłyvaŭ na žyćcio. Paśla druhoj kantuzii jon usurjoz zadumaŭsia pra toje, što ž takoje kantuzija i jakija ŭ jaje mohuć być nastupstvy ŭ bajavych umovach.

Paśla druhoj kantuzii chłopiec vykonvaŭ rekamiendacyi miedykaŭ, a taksama kinuŭ kuryć i admoviŭsia ad ałkaholu. «U mianie ŭstaŭ vybar: abo ja zajmajusia chiernioj, abo ja maju šaniec viarnucca da pabracimaŭ, i ja abraŭ druhoje», — kaža chłopiec.

Treciuju kantuziju Emilij atrymaŭ pad Bachmutam. Ciapier chłopiec prachodzić reabilitacyju i lečycca. 

Emilij padčas reabilitacyi

«Paśla treciaj kantuzii ja pa-inšamu baču svajo žyćcio. — kaža jon, — Pieranosić jaje našmat praściej. Mnie navat stała lahčej žyć i prymać rašeńni ŭ paŭsiadzionnym žyćci. I navat starajusia padbadziorvać ludziej vakoł.

I mienavita ŭ Bachmucie ja kančatkova upeŭniŭsia, što ja zrabiŭ pravilny vybar. Tam zastavalisia mirnyja žychary i takoje vidovišča — jedzieš pa horadzie, usio razburanaje, a tam babula idzie z pakietam. I ty razumieješ, što ludzi spadziajucca na ciabie i nielha zdacca».

Ja hatovy pryniać śmierć dziela svaich idejaŭ. Ja budu vyniščać akupantaŭ, pakul zdolny heta rabić, da apošniaha ŭzdychu. Za Biełaruś, za Ukrainu, za baćkoŭ, za dziaciej, za bratoŭ i siaścior, za ŭsich zahinułych, za praŭdu.

Ja nie mahu spynicca, bo vieru, što rablu ŭsio pravilna. Ja žyvu i hatovy pamierci ŭ imia ludziej, jakich mahu abaranić.

Ale ja liču, što biełarusaŭ moža vyzvalić tolki ŭvieś narod, a nie Połk Kalinoŭskaha ci niejkaje kankretnaje biełaruskaje padraździaleńnie. Biełarusy musiać uśviadomić siabie nacyjaj i adčuć, kolki kaštuje svaboda. I, prynamsi, uzhadać svaju movu».

«Naša Niva» — bastyjon biełaruščyny

PADTRYMAĆ

Kamientary4

  • Valadzimir
    24.01.2023
    [Red. vydalena]
  • John
    24.01.2023
    kula, Patelefanavaŭ baćku 
  • Sparrow
    24.01.2023
    Šviedskij nož Mora na hrudi. Choroš v lesu kostierok raźviesti i poriezať po miełočam. Diešievyj. Zielenaja vłada tak zavorovałaś čto na armiejskoje snariažienije dienieh nie chvatajet.   
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

BNTU: Vykładčyk, jaki ŭciakaŭ ad milicyi, pamior ad sardečnaha prystupu

BNTU: Vykładčyk, jaki ŭciakaŭ ad milicyi, pamior ad sardečnaha prystupu

Usie naviny →
Usie naviny

Žurnalisty atrymali dostup da sakretnych płanaŭ rasijskich jadziernych vajskovych baz3

Tramp prapanavaŭ Kanadzie dostup da abarony pad «Załatym kupałam». Pry adnoj umovie5

Hrošy dla byłoha palitviaźnia Andreja Čapiuka sabrali mienš čym za paŭsutak

U Hiermanii admianiajuć niadaŭna ŭviedzienuju mahčymaść «ekspres-naturalizacyi»

«Muž byŭ suprać taho, kab Anžalika sustrakałasia ź dziećmi ź inšym mužčynam». Aŭtar rasśledavańnia pra Mielnikavu padzialiŭsia niekatorymi detalami5

Mierc paabiacaŭ dapamahčy Ukrainie z raspracoŭkaj ułasnaj dalnabojnaj zbroi1

«Vinny 500 rubloŭ». Biełarus vyrašyŭ zachoŭvać źbieražeńni ŭ jeŭra, ale trapiŭ u nievidavočnuju pastku1

Fatohraf-ahient Miščuk raskazaŭ svaju viersiju taho, što adbyłosia12

U Minsku zdajecca pasutačna kvatera, u jakoj niama dźviarej u prybiralniu. Z kanapy adkryvajecca vid i na televizar, i na ŭnitaz

bolš čytanych navin
bolš łajkanych navin

BNTU: Vykładčyk, jaki ŭciakaŭ ad milicyi, pamior ad sardečnaha prystupu

BNTU: Vykładčyk, jaki ŭciakaŭ ad milicyi, pamior ad sardečnaha prystupu

Hałoŭnaje
Usie naviny →

Zaŭvaha:

 

 

 

 

Zakryć Paviedamić