Muža prapahandystki STB padazrajuć u dziaržaŭnaj zdradzie

Deputat Aleh Vałošyn «śviadoma dziejničaŭ na škodu suvierenitetu, terytaryjalnaj cełasnaści i nieparušnaści, abaranazdolnaści, dziaržaŭnaj, ekanamičnaj i infarmacyjnaj biaśpiecy Ukrainy», — havorycca ŭ paviedamleńni SBU Ukrainy. 

Deputata padazrajuć u zdradzie dziaržavie, heta častka 1 artykuła 111 KK Ukrainy.

U parłamiencie jon reprezientavaŭ «Apazicyjnuju płatformu — Za žyćcio» — prarasijskuju partyju, jakaja ŭźnikła na ruinach Partyi rehijonaŭ, jakuju ŭznačalvali były prezident Viktar Janukovič i premjer Mikałaj Azaraŭ, jakija źbiehli ŭ Rasiju ŭ 2014 hodzie.

U ramkach adkrytaj kryminalnaj vytvorčaści supracoŭniki SBU sumiesna ź Dziaržaŭnym biuro rasśledavańniaŭ pad prakuraturaj Hienprakuratury pravodziać śledčyja dziejańni pa adrasach rehistracyi fihuranta, jaho svajakoŭ i kantaktaŭ.

«Prymajecca kompleks mier dla pryciahnieńnia da spraviadlivaj adkaznaści Vałošyna, jakoha ciapier chavajuć ad pravasudździa za miažoj», — paviedamlaje SBU Ukrainy.

Aleh Vałošyn raniej pracavaŭ pres-sakratarom i dyrektaram Departamienta infarmacyi Ministerstva zamiežnych spraŭ Ukrainy. U Viarchoŭnuju Radu jon uvajšoŭ pa śpisie «Apazicyjnaj płatformy — Za žyćcio».

Jak vyjaviłasia ciapier, u Vałošyna paralelna było rasijskaje hramadzianstva, jak i ŭ mnohich inšych vysokapastaŭlenych dziejačaŭ partyi Janukoviča, uklučajučy ministra abarony.

U červieni 2022-ha dziejnaść partyi rašeńniem suda była zabaroniena, bo sabralisia dokazy, što jana była častkaj vajennaha scenara Rasii i łukašenkaŭcaŭ pa zachopie Ukrainy i likvidacyi ŭkrainskaj dziaržaŭnaści.

Viadoma, što ŭ sakaviku Dziaržaŭnaje biuro rasśledavańniaŭ Ukrainy praviało pieratrusy ŭ niekatorych deputataŭ APZŽ. Jak paviedamlałasia raniej, u kvatery Aleha Vałošyna była znojdziena zbroja.

Śledčyja dziejańni pravodziłasia ŭ ramkach dasudovaha rasśledavańnia, jakoje było raspačata pa fakcie «niepravamiernych dziejańniaŭ słužbovych asob pravaachoŭnych orhanaŭ, jakija sadziejničali peŭnym asobam, u pryvatnaści, narodnym deputatam, u niezakonnym pierasiačeńni dziaržmiažy».

Była adkryta kryminalnaja vytvorčaść pa č. 3 art. 365 KK Ukrainy (pieravyšeńnie ŭłady abo słužbovych paŭnamoctvaŭ rabotnikam pravaachoŭnaha orhana, jakoje pryviało da ciažkich nastupstvaŭ).

Sama Nadzieja Sas taksama była členam APZŽ, bałatavałasia ad jaje ŭ deputaty Dnieprapiatroŭskaj abłasnoj rady. Va Ukrainie jana pracavała na kanale «112 Ukraina», u kiraŭnictva jakoha ŭvachodziŭ i sam Vałošyn.

Aleh Vałošyn i jaho žonka Nadzieja Sas razam z dvuma dziećmi ciapier žyvuć u Biełarusi. Tudy jany pierajechali 13 lutaha, za 11 dzion da ŭvarvańnia rasijskich vojskaŭ. Sas, choć nikoli raniej nie mieła dačynieńnia da Biełarusi, ciapier viadzie palityčnaje tok-šou «Sass upaŭnavažany zajavić», u jakoje zaprašaje biełaruskich i rasijskich prapahandystaŭ.

Čytajcie taksama: 

Pracavała na telekanałach Miedźviedčuka. Chto takaja Nadzieja Sas — novaja prapahandystka STB

«Hałoŭnaje, jak skazaŭ kiraŭnik dziaržavy, — «raździavacca i rabić». Chto taki Mikita Palakievič — novy tvar ANT

Rasija znoŭ viadzie masiravany abstreł Ukrainy

• 9
• 0
• 5
• 11
• 2
• 2
• 37
• 0