ISW papiaredziŭ ab padrychtoŭcy Rasii da apieracyj pad iłžyvym ściaham na poŭdni Biełarusi
Kreml stvaraje ŭmovy dla apieracyi pad čužym ściaham na miažy Čarnihaŭskaj vobłaści i ŭ Prydniastroŭi, piša Instytut vyvučeńnia vajny (ISW). Apieracyja na poŭnačy Ukrainy moža pieraśledvać metu ŭciahnuć Biełaruś u vajnu abo adciahnuć ukrainskija siły z uschodniaha kirunku. Apieracyja ŭ Prydniastroŭi moža być nakiravana na toje, kab skazić słovy Uładzimira Zialenskaha ab padrychtoŭcy rasijskich pravakacyj u Małdovie.
Paviedamlajecca, što ŭ rajonie miažy z Čarnihaŭskaj vobłaściu byŭ zafiksavany ruch vajskovaj techniki biez apaznavalnych znakaŭ, vynikaje z danych ukrainskaj raźviedki. Kałonu supravadžali, pa jaje danych, vajskoŭcy, apranutyja ŭ formu, padobnuju da ŭkrainskaj.
Meta apieracyi pad iłžyvym ściaham u hetym rajonie moža być u tym, kab abvinavacić Ukrainu ŭ parušeńni terytaryjalnaj cełasnaści Biełarusi, vynikaje z paviedamleńnia apieratyŭnaha kamandavańnia «Poŭnač» USU. Takim čynam Kreml moža sprabavać uciahnuć biełaruskaje vojska ŭ vajnu z Ukrainaj, miarkuje ISW. Na minułym tydni Alaksandr Łukašenka kazaŭ, što Biełaruś ustupić u vajnu tolki ŭ vypadku napadu z boku Ukrainy.
Jašče adna mahčymaja meta takoj apieracyi — asłabić abaronu Ukrainy na ŭschodzie krainy, prymusiŭšy Kijeŭ trymać značnuju kolkaść vajskovych złučeńniaŭ na poŭnačy, pišuć analityki. Na ich dumku, heta moža być nieabchodna Rasii ŭ ramkach padrychtoŭki kontrnastupleńnia.
ISW udakładniaje, što pa-raniejšamu ličyć napad Biełarusi ci Rasii na paŭnočnyja rehijony Ukrainy małavierahodnym.
Ab pavieličeńni aktyŭnaści rasijskaj techniki na miažy Ukrainy i Biełarusi, piša i prajekt WarMonitor.
Kreml taksama stvaraje ŭmovy dla praviadzieńnia apieracyi pad čužym ściaham u Prydniastroŭi, praciahvaje ISW. Ministerstva abarony Rasii ŭ čaćvier dvojčy zajaviła ab padrychtoŭcy Ukrainy da ŭvarvańnia ŭ Prydniastroŭje.
Vierahodna, pišuć vajennyja analityki, rasijskaje Minabarony imknułasia skazić papiaredžańnie prezidenta Ukrainy Uładzimira Zialenskaha ab mahčymych płanach Kramla pa destabilizacyi situacyi ŭ Małdovie, zroblenaje im 13 lutaha.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary
luka zaraz nahniataje, rychtuje da pravakacyi.
Miarkuju što rusaki paviaducca, vyrašać što kab dacisnuć patrebnaja pravakacyja pad ukrainskim ściaham i praviaduć jaje
luka zrobić vyhliad što pavieryŭ i ŭsurjoz pierastraliaje pravakataraŭ. Kali nie paśpieje pierastraliać bo pazvoniać rusaki i skažuć što liudzi ichnyja, zrobić ździŭlieny tvar i raźviadzie rukami.
Ukraincam luka nieaficyjna daść znać što nie źbirajecca lieźci na ichnuju terytoryju i spynicca roŭna na miažy. Ukraincy ŭ adkaz taksama nie paliezuć.
Publična pry hetym luka skaža što byla adbitaja ahresija, vorah vykinuty, a čužoha nam nia treba. Pad vyhliadam loŭli špijonaŭ i bandaŭ jašče boĺš uzmacnić represii i mahčyma pačnie rasstreĺvać represavanych užo ŭ adkrytuju, jak byccam špijonaŭ. Mahčyma ŭviadzie vajennaje stanovišča, alie tak kab nie spyniać transit z rasii ŭ Lietuvu.