Hramadstva77

«Hajun»: Na aeradromie Mačuliščy moh być paškodžany miehakaštoŭny rasijski samalot A-50. Z čata Mačuliščaŭ vydalili ŭsie paviedamleńni

Siońnia z ranicy kala aeradroma «Mačuliščy» nazirajecca aktyŭnaść siłavikoŭ. Miascovyja kažuć, što čuli dva mocnyja huki kala 8:00—9:30 ranicy. Voś što viadoma na hety momant.

Skrynšot čata Mačuliščaŭ. Krynica: telehram-kanał «Motolko Pomohi»

Novyja detali zdareńnia paviedamlaje telehram-kanał «Motolko Pomohi».

Siońnia ŭ druhoj pałovie dnia całkam vyčyścili čat haradskoha pasiołka Mačuliščy — vydalenyja absalutna ŭsie paviedamleńni pra huki vybuchaŭ nočču i ranicaj, siłavikoŭ sa zbrojaj i ŭ broniekamizelkach, pasty DAI, jakija raptam źjavilisia, pravierku aŭto i dakumientaŭ kiroŭcaŭ, a taksama pra mašyny ŭnutranych vojskaŭ.

Kolkaść hetych paviedamleńniaŭ u čacie paćviardžaje, što na aeradromie sapraŭdy niešta adbyłosia.

Pa słovach žycharoŭ, u hety momant paviedamleńni pra zdareńnie praciahvajuć vydalacca.

Matolka piša, što pravierka aŭtamabilaŭ praciahvajecca, mašyny praviarajuć užo vybaračna, hladziać pravy kiroŭcy, bahažniki, u niekatorych vypadkach i mabilnyja telefony.

DAI staić jak minimum na vyjeździe z Hatava, kala pavarotaŭ na Cesina, Plabancy i Dzierhai.

Jość danyja, što pa kvaterach pačaŭ chadzić AMAP u poŭnym abmundziravańni. Pa słovach ludziej, «chodzić pa svaich bečebe-śpisach, šukajuć chto niešta zrabiŭ».

Akramia taho, navakolle Mačuliščaŭ na praciahu 1,5 hadziny patrulavaŭ viertalot.

Raniej ByPol paviedamiŭ, što pa infarmacyi, atrymanaj ad udzielnikaŭ płana «Pieramoha», u vyniku vybuchaŭ na aeradromie «Mačuliščy» paškodžanyja rasijski vajskova-transpartny samalot i śniehaŭboračnaja technika.

Pavodle papiarednich źviestak, cellu ataki byŭ samalot DRŁA A-50 PKS RF, jaki moh atrymać niekatoryja paškodžańni, piša «Biełaruski Hajun».

Siarod inšaha, havorka moža iści pra paškodžańnie borta šlacham skidu z vyšyni nieŭstanoŭlenaha pradmieta.

Rasijski samalot dalniaj raźviedki A-50. Fota: Wikimedia Commons

«Hajun» dadaje, što siońnia ŭ 18:33 na aeradrom «Mačuliščy» z RF prylacieŭ vajenna-transpartny samalot Ił-76 PKS RF z rehistracyjnym numaram RF-86843.

Hety bort raniej užo byŭ zaŭvažany ŭ Biełarusi ŭ lutym 2022 hoda, kali prylataŭ na aeradromy ŭ Baranavičy i Mačuliščy.

A-50 — heta vielmi kaštoŭny samalot, jon ažyćciaŭlaje dalniuju raźviedku. Usiaho, spraŭnych i niaspraŭnych, takich samalotaŭ u Rasii dzieviać.

Kali vy viedajecie bolš pra toje, što zdaryłasia na aeradromie Mačuliščy, jaki vykarystoŭvajuć rasijskija vojski, pišycie redaktaru «Našaj Nivy» ŭ telehram, na nivanasha@gmail.com ci nivanasha@proton.me.

Albo pišycie asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).

Kala aeradroma «Mačuliščy» nazirajecca aktyŭnaść siłavikoŭ

Kamientary7

  • Tadzik
    26.02.2023
    Ziemla pad orkami budzie hareć pausiul. Žyvie Biełaruś! Słava Ukrainie!
  • Bhagawan
    26.02.2023
    Na aeradromie ŭ Mačuliščach ničoha nie adbyłosia, razychdźciesia, niama tut na što hladzieć!
  • 3214
    26.02.2023
    Kakaja chorošaja novosť. Čiem mieńšie rašistskich samoletov i tiechniki na našiej ziemle - tiem łučšie!
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Što ŭjaŭlaje saboj baza danych, jakuju siłaviki nazyvajuć «uzłomam «Novaj Biełarusi»9

Što ŭjaŭlaje saboj baza danych, jakuju siłaviki nazyvajuć «uzłomam «Novaj Biełarusi»

Usie naviny →
Usie naviny

«Streł u śpinu». Rasija abvinavaciła Sierbiju ŭ pastaŭcy bojeprypasaŭ Ukrainie1

U Park vysokich technałohij pryznačyli novaha dyrektara1

Adyška ŭ Łukašenki ciapier užo i kali jon havoryć siedziačy VIDEAFAKT10

Matč futbolnaj zbornaj z-za kiepskaha stanu pola pieranieśli sa stadyjona «Dynama» ŭ Barysaŭ

U Raduni na aŭkcyjonie pradali budynak staroj ješyvy

«Rychtavaŭsia da vyjezdu, ale nie paśpieŭ». Byłoha palitviaźnia paŭtorna zatrymali nieŭzabavie paśla vychadu z kałonii2

Rasijskaha «hieroja SVA» ŭ Staŭrapali ŭzarvaŭ chłopiec, ź jakim jon paznajomiŭsia na resursie dla hiej-znajomstvaŭ5

Stali viadomyja akaličnaści zabojstva pad Oršaj adnaho rasijskaha palicejskaha druhim6

Biełarus pryjechaŭ z Polščy abnavić pašpart, a staŭ fihurantam kryminalnaj spravy z zabaronaj na vyjezd. I pytańnie nie ŭ palitycy5

bolš čytanych navin
bolš łajkanych navin

Što ŭjaŭlaje saboj baza danych, jakuju siłaviki nazyvajuć «uzłomam «Novaj Biełarusi»9

Što ŭjaŭlaje saboj baza danych, jakuju siłaviki nazyvajuć «uzłomam «Novaj Biełarusi»

Hałoŭnaje
Usie naviny →

Zaŭvaha:

 

 

 

 

Zakryć Paviedamić