Hienieralny sakratar AAN rezka raskrytykavaŭ vajnu Rasii suprać Ukrainy
Hienieralny sakratar AAN Antoniu Huteryš rezka raskrytykavaŭ parušeńni Rasijaj pravoŭ čałavieka va Ukrainie. Raźviazanaja Maskvoj ahresiŭnaja vajna pryviała da samych masavych parušeńniaŭ pravoŭ čałavieka siońnia, zajaviŭ Huteryš na adkryćci pasiadžeńnia Rady AAN pa pravach čałavieka ŭ paniadziełak, paviedamlaje «Niamieckaja chvala».
Sa słoŭ hienieralnaha sakratara AAN, vajna suprać Ukrainy, jakaja pačałasia hod tamu, pryviała da hibieli ludziej, razbureńniaŭ i pieramiaščeńnia asob u vialikim maštabie. Udary pa mirnych žycharach i hramadzianskaj infrastruktury paciahnuli za saboj šmatlikija achviary i žudasnyja pakuty; Upraŭleńnie Viarchoŭnaha kamisara AAN pa pravach čałavieka zadakumientavała dziasiatki vypadkaŭ seksualnaha hvałtu, adznačyŭ kiraŭnik suśvietnaj arhanizacyi.
Antoniu Huteryš taksama paviedamiŭ pra hrubyja parušeńni norm humanitarnaha prava, u pryvatnaści, pra žorstkaje abychodžańnie z vajennapałonnymi i vykradańni cyvilnych asob.
Na pasiadžeńni Rady AAN pa pravach čałavieka 47 krain-členaŭ majuć namier damovicca ab padaŭžeńni mandata kamisii AAN, jakaja fiksuje vajennyja złačynstvy ŭ čas vajny va Ukrainie.
Kamientary