Louis Vuitton trapiŭ u skandał z-za anonsu svajoj novaj žanočaj kalekcyi adzieńnia
Dom mody vyrašyŭ užyć kolery francuzskaha ściaha, adnak karystalniki sacsietak ubačyli ŭ hetym zusim inšy padtekst.
Francuzski dom mody Louis Vuitton u svaim instahramie anansavaŭ prezientacyju novaj žanočaj kalekcyi adzieńnia, jakaja spravakavała skandał.
Reč u tym, što ŭ videaanonsie prezientacyi vykarystoŭvalisia kolery francuzskaha ściaha i litara V (adna ź litar nazvy doma mody), što vyklikała škvał abureńniaŭ va ŭkraincaŭ i lutaje zachapleńnie ŭ rasiejcaŭ.
Pieršyja ŭbačyli ŭ hetym simvał rasijskaj ahresii va Ukrainie i spałučeńni koleraŭ ściahoŭ Rasii i tak zvanaj niepryznanaj «DNR». Druhija dzika ŭzradavalisia tamu faktu, što dom mody byccam padtrymlivaje Rasiju ŭ vajnie i «sumuje pa rasijskich klijentach».
Taksama hetuju publikacyju paśpieli prakamientavać ukrainskija i rasijskija aficyjnyja asoby. Daradca kiraŭnika Ofisa prezidenta Ukrainy Michaił Padalak u svaim tvitary nazvaŭ heta «raskošaj, prasiaknutaj kryvioj» i «hulnioj ź simvałami ahresii».
Ad Rasii ž vykazaŭsia deputat Dziarždumy Siarhiej Kałunoŭ, padziakavaŭšy Louis Vuitton «za padtrymku Rasii» i pradkazaŭšy «pačatak prarasijskaha buntu ŭ śviecie mody».
Dom mody nie staŭ u adkrytuju adkazvać na skandał i krytyku svajoj rekłamy, abmiežavaŭšysia tolki adnoj instastoryz z paznakaj na ŭkrainskaj movie «vučycie hieahrafiju» (zaraz jana ŭžo vydalena).
Pry hetym znajšlisia karystalniki, jakija ščyra ździŭlalisia z-za reakcyj abodvuch bakoŭ na zvyčajnyja kolery francuzskaha ściaha. Niekatoryja ź ich taksama vykazali mierkavańnie, što Louis Vuitton śpiecyjalna pajšoŭ na razahravańnie situacyi ŭ rekłamnych metach, kab pryciahnuć bolš uvahi da svajoj novaj kalekcyi.
Charakterna, što post z hetym videaanonsam na aficyjnaj instahram-staroncy Louis Vuitton na dadzieny momant nabraŭ zvyš 14 tysiač kamientaroŭ (susiednija publikacyi amal nie pieravyšajuć i tysiačy).
Nahadajem, što Louis Vuitton byŭ adnym ź pieršych, chto pakinuŭ rasijski rynak u suviazi z vajennym uvarvańniem Rasii va Ukrainu. Ale franzuzski dom mody ŭžo nie ŭ pieršy raz traplaje ŭ padobnyja skandały. Naprykład, jašče ŭ sakaviku 2022 hoda jon vypuściŭ kalekcyju juvielirnych vyrabaŭ LVVolt, abjadnaŭšy dźvie litary svajoj nazvy L i V u adnu, z-za čaho na niekatorych ŭpryhožvańniach była bačna vialikaja litara Z.
Čytajcie jašče:
Uładzimir Poźnier adčuŭ soram za žurnalistaŭ, ale naŭrad ci za rasijskich
Jutub vydaliŭ kanał Vavana i Leksusa. Apošniaja achviara rasijskich prankieraŭ — eks-kiraŭnik MZS Vialikabrytanii
U internecie apublikavali videa, jak kamandujučy rasijskaj hrupoŭkaj u Biełarusi tancuje aholeny. Intryha — dla kaho
Ciapier čytajuć
Biełaruś zaniała druhoje miesca pa złačynnaści siarod jeŭrapiejskich krain. Jak ža składali taki rejtynh?2
Biełaruś zaniała druhoje miesca pa złačynnaści siarod jeŭrapiejskich krain. Jak ža składali taki rejtynh?
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki88
Kamientary