Ihar i Darja Łosiki, Kaciaryna Andrejeva, Eduard Łobaŭ. Kaho Rada BNR uznaharodziła miedalom ordena «Pahoni»
Rada Biełaruskaj Narodnaj Respubliki abviaściła pra ŭznaharodžańnie miedalom ordena «Pahoni» šerahu biełarusaŭ. «My znoŭ chočam adznačyć tych biełarusaŭ, chto ŭ ciapierašni składany čas płacić najvyšejšuju canu za svabodu i niezaležnaść našaje Baćkaŭščyny», — zajaviła Ivonka Surviła.
Rada Biełaruskaj Narodnaj Respubliki abviaściła pra ŭznaharodžańnie Miedalom Ordena «Pahoni» 11 ciapierašnich i byłych palityčnych viaźniaŭ, 5 biełaruskich bajcoŭ, jakija zahinuli na vajnie va Ukrainie, a taksama ajcišnika Andreja Zelcara, jaki zahinuŭ u 2021 hodzie pry pierastrełcy ŭ svajoj kvatery, kudy ŭvarvalisia siłaviki.
Staršynia Rady BNR Ivonka Surviła padpisała dekret ab uznaharodžańni nastupnych asobaŭ.
Palityčnyja viaźni:
- Kaciaryna Andrejeva (Bachvałava)
- Mikałaj Aŭtuchovič
- Uładzimier Hundar
- Dzianis Ivašyn
- Uładzimier Łabkovič
- Darja Łosik
- Ihar Łosik
- Eduard Palčys
- Valancin Stefanovič
- Darja Čulcova
- Palina Šarenda-Panasiuk
Paśmiarotna ŭznaharodžanyja: zahinułyja va Ukrainie:
Alaksiej Aŭdziejenka
Eduard Łobaŭ
Aleh Panamaroŭ
Michaś Šavielski
Uznaharodžany taksama prahramist Andrej Zielcar, jaki zahinuŭ u pierastrełcy ŭ svajoj kvatery 30 vieraśnia 2021 hoda.
«My znoŭ chočam adznačyć tych biełarusaŭ, chto ŭ ciapierašni składany čas płacić najvyšejšuju canu za svabodu i niezaležnaść našaje Baćkaŭščyny. Pieradusim heta hieroi, jakija achviaravali svaim žyćciom u zbrojnaj baraćbie suprać vorahaŭ svabody i niezaležnaści Biełarusi. Ich imiony ŭvojduć u historyju našaha naroda, i ŭsie my pavinny praciahnuć ich baraćbu.
Taksama hetym razam Rada BNR adznačaje i niekalki našych surodzičaŭ, chto pakazaŭ i praciahvaje pakazvać svaju niepachisnaść pierad čužynskim dyktatarskim režymam, svaju čałaviečuju i hramadzianskuju hodnaść u turmie. Amal usie hetyja ludzi dahetul niezakonna ŭtrymlivajucca ŭ pałonie za svaju aktyŭnuju hramadskuju abo žurnalisckuju dziejnaść. My jak najchutčej čakajem ich na svabodzie i patrabujem nieadkładnaha vyzvaleńnia ich i ŭsich biełaruskich palityčnych viaźniaŭ, kaho naličvajecca bolš jak paŭtary tysiačy».
Miedal ordena «Pahoni» byŭ zasnavany ŭ 2022 hodzie dla adznačeńnia hramadzianskich, vajennych, kulturnickich i inšych zasłuh pierad Biełaruśsiu. Pieršaje ŭznaharodžańnie adbyłosia ŭ listapadzie 2022 hoda. Tady miedal atrymali biełaruskija dobraachvotniki, jakija zahinuli va Ukrainie, a taksama pratestoŭcy, jakija zahinuli ŭ Biełarusi padčas padziej 2020-2021 hh.
-
Pamierła 32‑hadovaja dyzajnierka Volha Šaŭcova — amal pałovu svajho žyćcia jana zmahałasia z ankałohijaj
-
Novy kanflikt vakoł «Pahoni». Litoŭcy vinavaciać biełaruski futbolny kłub u kradziažy ich simvoliki
-
U Vaŭkavyskim rajonie žycharku vioski aštrafavali za vialikuju kolkaść katoŭ. Ale jurystka dapamahła adbicca
Ciapier čytajuć
«Kadebist vyjšaŭ z pakoja i pakinuŭ śviataru pistalet». Što adbyvajecca z ksiandzom Akałatovičam, jakoha abvinavacili ŭ špijanažy3
«Kadebist vyjšaŭ z pakoja i pakinuŭ śviataru pistalet». Što adbyvajecca z ksiandzom Akałatovičam, jakoha abvinavacili ŭ špijanažy
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary