Z čaćviortaha razu pradali staruju panskuju siadzibu ŭ Hancavickim rajonie
Narešcie zdabyŭ svajho novaha ŭładalnika kałarytny abjekt u ahraharadku Aharevičy Hancavickaha rajona, prazvany ŭ narodzie Panskim domam. Budynak pradali na aŭkcyjonie z čaćviortaha razu, piša «Hancavicki čas».
Kali Panski dom vystaŭlali na prodaž pieršy raz, to jaho cana składała 161 tysiaču rubloŭ. Ale achvotnych kupić nie znachodziłasia, navat kali tarhi abviaščalisia z panižeńniem cany.
Cikavaść źjaviłasia tolki paśla taho, kali startavaja cana na dom źmienšyłasia da adnoj bazavaj vieličyni (37 rubloŭ). Aŭkcyjon na elektronnaj placoŭcy «BUTB-Majomaść» byŭ pryznačany na 31 sakavika 2023 hoda i na jaho zarehistravałasia ažno dziesiać udzielnikaŭ — adna jurydyčnaja asoba i dzieviać hramadzian.
U vyniku z čaćviortaj sproby łot pradali, pryčym cana vyrasła ŭ sotni razoŭ. Sam aŭkcyjon praciahvaŭsia amal dźvie hadziny, za hety čas było zroblena 2814 stavak.
Viadoma, što pieramožcam stała fizičnaja asoba, ale arhanizatary tarhoŭ nie mohuć raskryvać danyja pakupnika.
U vyniku Panski dom dastaŭsia novamu haspadaru za 15651 rubiel, ci amal 5,5 tysiačy dalaraŭ. Kali paraŭnoŭvać z adnoj bazavaj vieličynioj, to rost vyhladaje ŭražliva — u 423 razy. Ale ŭ toj ža čas heta ništo ŭ paraŭnańni ź pieršapačatkovaj canoj abjekta — 161 tysiačaj rubloŭ.
Niekalki hadoŭ tamu ŭ siadzibie raźmiaščałasia stałovaja rabotnikaŭ sielhaspradpryjemstva «Bierazaviec», adnak z časam haspadarcy stała niavyhadna ŭtrymlivać abjekt.
Adnapaviarchovy budynak z kałonami ŭ Aharevičach pabudavali jašče ŭ 1911 hodzie i naležaŭ jon pamieščykam Śviažynskim. Płošča doma — 324 kvadratnyja mietry. U im jość aciapleńnie, vada, elektryčnaść, kanalizacyja, telefon. Pry domie taksama jość prybudova, bryhadny dom, tancplacoŭka z mostam, a jašče ŭčastak na 2,5 hiektara (jaho pieradaduć pakupniku ŭ arendu na 30 hadoŭ). Taksama tut majucca try štučnyja sažałki i park. Abjekt ujaŭlaje historyka-kulturnuju kaštoŭnaść, tamu novamu ŭładalniku treba budzie padpisać achoŭnaje abaviazacielstva.
Jak raniej užo raspaviadałasia, u 90-ja hady XX stahodździa pry siadzibie ŭ Aharevičach pravodzili konnyja spabornictvy, nie raz siudy pryjazdžali i čynoŭniki: tahačasnyja staršynia Saŭmina Viačasłaŭ Kiebič, premjer-ministry Michaił Miaśnikovič i Michaił Čyhir.
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos27
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5454
Kamientary