Finał mižnarodnaj vystavy katoŭ i kacianiat «Załaty hran-pry «Mistar Kot — 2023» projdzie ŭ staličnym Pałacy sportu 8 i 9 krasavika.
Udzielnikaŭ vystavy čakaje cikavaje i jarkaje padarožža ŭ dziŭny śviet katoŭ, zabaŭlalnaja šou-prahrama, aryhinalny interaktyŭ z katami i konkursy.
Arhanizatary ŭklučyli ŭ prahramu vystavy-pradstaŭleńni katoŭ-kankursantaŭ, prezientacyju redkich i ekzatyčnych parod katoŭ, šmatlikija rynhi i šou darosłych katoŭ, junijoraŭ i kacianiat, kacinyja konkursy pryhažości «Mistar Kot» i «Mis Koška», a taksama šou miłych i paciešnych kacianiat. Akramia taho, dla haściej vystavy buduć arhanizavany cikavyja majstar-kłasy ad ekśpiertaŭ-fielinołahaŭ. U finale vystavy adbudziecca vybar kata, jaki stanie ŭładalnikam tytuła «Załaty hran-pry — 2023».
Budzie mahčymaść va ŭdzielnikaŭ mierapryjemstva i vybrać hadavanca mary. Na vystavie arhanizujuć «Bebi-sałon kacianiat», dzie kožny achvotny zmoža pahutaryć z prafiesijnymi razvodčykami i paznajomicca bližej z katami ŭpadabanaj parody, bolš padrabiazna daviedacca pra ich charaktar i asablivaści ŭtrymańnia. Praduhledzieli arhanizatary i forum-prezientacyju dla ŭsich achvotnych, dzie śpiecyjalisty raskažuć ab pravilnym charčavańni, dohladzie i vieterynarnym kantroli za katami.
Na vystavačnych prezientacyjach udzielniki mierapryjemstva zmohuć paznajomicca ź vidami kormu, tavarami dla dohladu, meblaj i aksiesuarami dla katoŭ, aryhinalnymi vyrabami ručnoj raboty viadomych brendaŭ.
Pobač z vystavaj budzie pracavać kafe.
Vystava padobnaha farmatu ŭ našaj krainie pravodzicca adzin raz na hod. Mierapryjemstva prachodzić pad ehidaj Suśvietnaj fiederacyi katoŭ (WCF).
U Skidzieli ŭratavali kata, jaki na sutki ź lišnim zachras u matornym adsieku aŭtamabila
Što rabić, kali kot nie prymaje vašaha novaha partniora?
Ludzi i ich chatnija hadavancy mohuć pieradavać adno adnamu supierbakteryi, jakija majuć ustojlivaść da lekaŭ
U Turcyi praz 49 dzion paśla ziemlatrusu znajšli pad zavałami žyvoha kata
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie27
Kamientary