U sacsietki trapili płany ZŠA i NATA pa padrychtoŭcy ŭkrainskaha nastupu
U tvitary i telehramie źjaŭlajucca zdymki sakretnych dakumientaŭ Pientahona i NATA ab padrychtoŭcy ŭkrainskaha nastupu, jany častkova źmienienyja, ale vyhladajuć jak sapraŭdnyja, paviedamlaje New York Times sa spasyłkaj na ananimnyja krynicy ŭ administracyi Bajdena.
Dakumienty datujucca 1 sakavika, tak što z tych časoŭ płany mahli źmianicca. U ich nie havorycca pra datu i miesca budučaha nastupu. Ale ŭ ich utrymlivajecca infarmacyja ab tym, kolki bryhad Ukraina płanuje padrychtavać da nastupu i jakuju kolkaść techniki jany atrymajuć. U ich taksama jość takija źviestki, jak štodzionny raschod bojeprypasaŭ dla HIMARS.
Pra toje, što dakumienty mahli padvierhnucca źmianieńniu, kaža toj fakt, što na adnym sa słajdaŭ rasijskija straty zabitymi aceńvajucca ŭ 16-17 tysiač, a ŭkrainskija — u 71,5 tysiačy, piša hazieta.
Acenka rasijskich strat vyhladaje niepraŭdapadobna zanižanaj: jašče 17 sakavika Bi-bi-si pa adkrytych krynicach viedała imiony 17375 čałaviek (a 3 sakavika — 16071). Realnaja kolkaść zahinułych vyšejšaja, a zachodnija aficyjnyja asoby nazyvali ličby ŭ niekalki razoŭ bolšyja. Hetaja falsifikacyja moža pakazvać na sprobu dezinfarmacyi ŭ intaresach Rasii; dakumienty źjaŭlalisia ŭ prarasijskich kanałach.
Amierykanskija viedamstvy sprabavali damahčysia vydaleńnia hetych dakumientaŭ, ale pakul u ich heta nie ŭdałosia.
«Nam viadoma pra paviedamleńni, pra pasty ŭ sacsietkach, i Ministerstva vyvučaje hetaje pytańnie», — prakamientavała New York Times namieśnica pres-sakratara Pientahona Sabryna Sinhch.
Ciapier čytajuć
U Mahilovie złavili mańjaka-lifciora, jaki ŭ 1990‑ia zhvałtavaŭ i zabiŭ vosiem dziaŭčat3
U Mahilovie złavili mańjaka-lifciora, jaki ŭ 1990‑ia zhvałtavaŭ i zabiŭ vosiem dziaŭčat
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju1818
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju18
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1212
Kamientary