U Dziarždumu ŭnieśli zakonaprajekt, jaki praduhledžvaje pažyćciovaje pazbaŭleńnie voli za dziaržaŭnuju zdradu, paviedamiŭ kiraŭnik kamiteta nižniaj pałaty parłamienta pa biaśpiecy i supraćdziejańni karupcyi Vasil Piskaroŭ.
«My prapanujem ustanavić pažyćciovaje pazbaŭleńnie voli za dziaržaŭnuju zdradu», — napisaŭ Piskaroŭ u svaim telehram-kanale ŭ piatnicu.
U cełym papraŭki ŭ Kryminalny kodeks RF, padtrymanyja ŭsimi frakcyjami, tyčacca ŭzmacnieńnia žorstkaści adkaznaści za teraryzm. Jany padrychtavanyja da ŭžo pryniataha ŭ pieršym čytańni zakonaprajekta, «što dazvolić razhledzieć ich apieratyŭna», adznačyŭ Piskaroŭ.
Taksama pa artykule 205 KK RF («terarystyčny akt») maksimalny termin za ździajśnieńnie žachlivych dziejańniaŭ, jakija stvaryli pahrozu hibieli ludziej i nakiravanych na destabilizacyju situacyi ŭ krainie, prapanavana pavialičyć da 20 hadoŭ pazbaŭleńnia voli (ciapier — 15 hadoŭ); pa artykule 205.1 (sadziejničańnie terarystyčnaj dziejnaści) minimalny paroh pakarańnia za viarboŭku abo ŭciahvańnie va ŭčynieńnie terarystyčnych złačynstvaŭ moža vyraści da siami hadoŭ (ciapier — ad 5 da 15 hadoŭ).
Zatrymany ŭ Minsku rasijanin Alaksiej Maskaloŭ znajšoŭsia ŭ SIZA Žodzina
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich4
Kamientary