Turcyja dapamahała Biełarusi i Rasii abychodzić mižnarodnyja sankcyi i abmiarkoŭvała handal zbrojaj z PVK «Vahnier» — BRC
«Biełaruski rasśledavalnicki centr» paviedamiŭ, što atrymaŭ u svajo rasparadžeńnie sakretnyja amierykanskija ŭradavyja fajły, jakija źmiaščajuć źviestki amierykanskaj raźviedki i Pientahona. U ich siarod inšaha nibyta paviedamlajecca pra toje, jak Turcyja dapamahała Biełarusi i Rasii abychodzić mižnarodnyja sankcyi.
Na adnoj sa staronak dakumienta havorycca, što ŭ Biełarusi «tureckija kampanii zakuplali padsankcyjnyja tavary», a zatym «pradavali ich na jeŭrapiejskich rynkach».
«Handlovy ataše Turcyi ŭ Biełarusi ŭ kastryčniku i listapadzie 2022 hoda paviedamiŭ, što tureckija kampanii zakuplali padsankcyjnyja tavary ŭ Biełarusi i pradavali ich na jeŭrapiejskich rynkach, pierapradavali tavary ź Jeŭropy ŭ Rasiju», — paviedamlajecca ŭ dakumiencie.
Pry hetym vykarystoŭvalisia peŭnyja banki, kab paźbiehnuć pilnaj uvahi z boku hrupy raspracoŭki finansavych mier baraćby z admyvańniem hrošaj, jakaja ŭniesła Turcyju ŭ tak zvany «šery» śpis krain, jakija znachodziacca pad uzmocnienym kantrolem.
Akramia taho, zychodziačy sa skazanaha ŭ dakumiencie, Turcyja faktyčna vykonvała rolu pasrednika ŭ rasijska-ŭkrainskaj vajnie, vystupajučy na baku Maskvy. Tak, pavodle źviestak Pientahona, u lutym 2023 hoda niejkija «tureckija kantakty» sustrakalisia z vajskoŭcami PVK «Vahnier», kab abmierkavać kuplu abstalavańnia i zbroi rasijskimi najmitami dla «ŭzmacnieńnia hrup u Mali i Ukrainie». Praŭda, pra jakija mienavita vidy ŭzbrajeńnia išła havorka i ci ŭdałosia PVK «Vahnier» zakupić nieabchodnaje abstalavańnie, nie ŭdakładniajecca.
Žurnalisty Politico i The Washington Post, jakija taksama atrymali dostup da hetych dakumientaŭ, źviarnulisia da tureckich uładaŭ pa kamientaryj, adnak tyja admovilisia abmiarkoŭvać hetuju infarmacyju z žurnalistami. Pres-słužba zasnavalnika PVK «Vahnier» Jaŭhiena Pryhožyna taksama nijak nie prakamientavała hetuju infarmacyju.
Ciapier čytajuć
Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma21
Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1515
Kamientary