Upraŭleńnie Słužby biaśpieki Ukrainy ŭ Zakarpackaj vobłaści vykryła «muža i žonku, biełaruskich internet-ahitataraŭ, jakija chacieli destabilizavać situacyju ŭ Zakarpaćci» pry dapamozie raspaŭsiudžvańnia infarmacyi, nakiravanaj na dyskredytacyju sił abarony i raspalvańnie antysiemickich nastrojaŭ u rehijonie.
«Aboje — muž i žonka — hramadzianie Biełarusi. U 2013 hodzie jany ŭstupili ŭ fiktyŭnyja šluby z ukrainskimi hramadzianami i takim čynam atrymali dazvoł na žycharstva va Ukrainie», — paviedamili va ŭpraŭleńni SBU ŭ Zakarpackaj vobłaści.
Pavodle SBU, hramadzianie Biełarusi stvaryli niekalki prapahandysckich staronak u sacyjalnych sietkach, jakija vykarystoŭvali «dla dyskredytacyi orhanaŭ dziaržaŭnaj ułady, sił abarony i raspalvańnia antysiemickich nastrojaŭ».
«Svaimi dziejańniami sužency namahalisia destabilizavać unutrana-palityčnuju situacyju na Zakarpaćci», — adznačajecca ŭ paviedamleńni.
Pa miescy pražyvańnia biełaruskaj siamji praviali pieratrus i zabrali kampjutarnuju techniku i srodki suviazi z dokazami złačynnaj dziejnaści.
Na padstavie sabranych dokazaŭ mužčynu i žančynie paviedamili ab padazreńni pavodle č. 1 artykuła 161 Kryminalnaha kodeksa Ukrainy (raspalvańnie nacyjanalnaj, rehijanalnaj, rasavaj ci relihijnaj varožaści i nianaviści), što karajecca štrafam u pamiery ad 3400 da 8500 hryŭniaŭ (90-230 dalaraŭ) abo abmiežavańniem voli na termin da troch hadoŭ z pazbaŭleńniem na try hady prava zajmać adkaznyja pasady abo zajmacca peŭnaj dziejnaściu.
U paviedamleńni nie ŭdakładniajecca, dzie žyli biełarusy. Imavierna, heta adbyłosia ŭ horadzie Bierahava, pakolki ŭ dakumientavańni ŭdzielničali śledčyja Bierahaŭskaj palicyi i haradskoj akruhovaj prakuratury, adznačaje «Radyjo Svaboda».
KDB zatrymaŭ u Biełarusi hramadzian Polščy i krain Bałtyi «za ahienturnuju dziejnaść»
Novyja detali pra zatrymanych u Polščy biełarusaŭ, jakich vinavaciać u špijanažy na karyść Rasii
Prapahanda spačatku ich abialała, a paśla źmianiła ton. Što viadoma pra zatrymanych u Polščy biełarusaŭ, jakich vinavaciać u špijanažy na karyść Rasii
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary
Ci na ivricie?
UZHADAŁ u Bieriehava " prychvatyzavali" stariejšy vinzavod ź vinahradnikami izrailcianie ..
Navat " kašiernaje" vino honiat )) Mabyć niejki kanflikt z pracadaucami)))