Infakazačka Bondarava ciapier vučyć, jak adziavać i stryhčy dziaciej
Paśla vystupu adzinaccacihadovaha chłopčyka na «antyfašysckim» kamunistyčnym forumie prałukašenkaŭskaja aktyvistka Volha Bondarava nazvała dzicia «hiendarna-niejtralnaj istotaj» i prapanavała zabaranić jamu vystupać. Usio praz vyhlad chłopčyka.
Chłopčyk, na jakoha nakinułasia Bondarava, na tak zvanym «antyfašysckim» kamunistyčnym forumie ŭ Minsku, zaśpiavaŭ pieśniu «Biełaviežskaja pušča». Infakazačcy nie spadabałasia, što ŭ jaho doŭhija śvietłyja vałasy i broška na hrudziach. Jana nazvała jaho «hiendarna-niejtralnaj istotaj».
Paśla vydaliła pieršy dopis. I napisała druhi, bolš žorstki. «Źlapili ani chłopčyka, ani dziaŭčynku, a istotu niezrazumiełaj hiendarnaj identyčnaści… I demanstrujuć hety cud na patryjatyčnych mierapryjemstvach», — piša jana ŭ svaim kanale. A paśla nazyvaje «naśmieškaj» vystup chłopčyka.
Paśla jana pajšła dalej — hłumliva prapanavała čytačam vyznačyć, jakoha poła chłopiec. I zaklikała zabaranić jamu vystupać.
Skrynšoty kanała infakazački Volhi Bondaravaj
Volha Bondarava vykarystoŭvajecca łukašenkaŭcami dla stvareńnia iluzii «inicyjatyvy źnizu» dla patrebnych uładam prapahandysckich i palityčnych kampanij.
Volha Bondarava — jana vystupaje suprać usiaho biełaruskaha i taho, što sama vyznačaje jak «zachodniaje». Tak, ź jaje padačy prybrali pomnik z mohiłak Łarysy Hienijuš i źniščyli muziej Anatola Biełaha ŭ Starych Darohach.
Na sudzie nad čałaviekam, chto pieraškadžaŭ joj zamaloŭvać biełaruskaje hrafici, vyjaviłasia, što jana sudzimaja i biespracoŭnaja.
«Naša Niva» — bastyjon biełaruščyny
PADTRYMAĆ«Ci varta peckacca, papularyzujučy hetuju hramadzianku?» Častka prapahandystaŭ pajšła vajnoj na Bondaravu
«Zajavu na ŭsialaki vypadak ja napisała». Prarasijskija aktyvistki abmierkavali, jak łacinka i «Naša Niva» sapsavali im žyćcio
Infakazačka Bondarava pastupiła ŭ BDPU. Zdahadajciesia, na jakuju śpiecyjalnaść
U Hrodnie na «chimiju» asudzili čałavieka, jaki pieraškadžaŭ «jabaćkam» zamaloŭvać BČB na tratuary. Žančyna vyjaviłasia sudzimaj i biespracoŭnaj
Ciapier čytajuć
Polšča pryznała Alaksandra Mašenskaha niepažadanaj asobaj27
Kamientary