Navukoŭcy vyjavili bolš za 30 tysiač novych virusaŭ. Jany chavajucca ŭ mikrobach
«My ździejśnili sapraŭdnaje adkryćcio, bo hetyja virusy taksama źjaŭlajucca asnovaj hienomu čałavieka».
Navukoŭcy zmahli vyjavić bolš za 30 tysiač novych raznavidnaściaŭ virusaŭ u DNK zvyčajnych mikrobaŭ, jakija taksama žyvuć u ludziach, žyviołach, hrybach, raślinach i h.d.
Pra heta 26 krasavika paviedamiła navukovaje vydańnie ScienceAlert sa spasyłkaj na niadaŭniaje daśledavańnie ŭ časopisie Proceedings of the National Academy of Sciences (PNAS).
Aŭtary daśledavańnia vyznačyli, što da 10% DNK roznych mikrobaŭ składajucca z tysiač nieviadomych navucy virusaŭ, jakija nie abaviazkova buduć prynosić škodu svaim haspadaram. Zahadkaj zastajecca tolki toje, čamu tak šmat virusaŭ było znojdziena ŭ mikrobach.
«Pakul niezrazumieła, čamu tak šmat virusaŭ žyvie ŭ hienomach mikrobaŭ. Naša samaja mocnaja hipoteza zaklučajecca ŭ tym, što jany abaraniajuć mikroby ad zaražeńnia inšymi niebiaśpiečnymi virusami», — kaža Krystafier Bełas, ekołah z Univiersiteta Insbruka ŭ Aŭstryi i adzin z aŭtaraŭ daśledavańnia.
Pavodle jaho słoŭ, bolšaja častka vyjaŭlenych virusaŭ nie funkcyjanuje i znachodzicca ŭ pasiŭnym stanie, adnak jany z pryčyny svajoj składanaści i šmatlikaści mohuć słužyć sapraŭdnym ščytom ad bolš viadomych i hihanckich virusaŭ.
Padobnaja achoŭnaja sistema jość i ŭ čałavieka, čyj hienom na amal 8% składajecca z ukaranionych staražytnych virusaŭ, jakija abaraniajuć arhanizm ad sučasnych infiekcyj i dapamahajuć vypracoŭvać imunitet.
Ale siarod śpiačych nieviadomych virusaŭ jość i mały pracent tych, jakija pa-sapraŭdnamu funkcyjanujuć i čyja pryroda pakul što nieviadomaja, adznačajuć daśledčyki.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?19
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary
Siri, mikroby chavAjuć ci chAvajuć virusy?
Dziakuj.