U Niamieččynie zvolnili žonku Šrodera paśla śviatkavańnia imi 9 Maja ŭ pasolstvie Rasii
Žonka byłoha kanclera Niamieččyny Hiercharda Šrodera So Jon Kim-Šroder straciła pracu ŭ kampanii NRW.Global Business paśla taho, jak razam z mužam naviedała ŭračysty pryjom, arhanizavany 9 maja pasolstvam RF u Niamiečynie, paviedamlaje Bild.
«Spadarynia Šroder-Kim zvolnienaja ź nieadkładnym ustupleńniem u siłu rasparadžeńnia, i jaje pracaŭładkavańnie ŭ NRW.GlobalBusiness budzie spynienaje biez papiaredžańnia. Kampanija NRW.Global Business nieadnarazova pakazvała spadaryni Šroder-Kim na toje, što pradstaŭniki nie pavinny publična vykazvacca pa palityčna adčuvalnych pytańniach, asabliva pa rasijskaj ahresii va Ukrainie», — zajaviła pres-sakratarka ministra ekanomiki fiederalnaj ziamli Paŭnočny Rejn-Viestfalija Mona Nojbaur.
Pradstaŭnik kampanii paviedamiŭ, što skasavańnie pracoŭnych adnosin było razhledžanaje ź jurydyčnaha punktu hledžańnia i ciapier hetaja pravierka zavieršanaja.
Žonka eks-kanclera pracavała ŭ NRW.Global Business jak pradstaŭnica ŭ Paŭdniovaj Karei.
Były kancler Niamieččyny Hierchard Šroder razam z žonkaj, lidar pravapapulisckaj partyi «Alternatyva dla Niamieččyny» (AfD) Cina Chrupała i jašče niekalki niamieckich palitykaŭ naviedali mierapryjemstva, arhanizavanaje ambasadaj Rasii z nahody 9 Maja.
Šroder byŭ kancleram z 1998 pa 2005 hod i lidaram SDPN z 1999 pa 2004 hod. Paśla taho, jak jaho adchilili ad pasady kiraŭnika ŭrada, jon šmat hadoŭ pracavaŭ u rasijskich enierhietyčnych kampanijach i dahetul ličycca za siabra Pucina.
Kamientary