Z pamiežnaha punkta propusku «Pryvałka» źvieźli pryparkavanyja rovary
U punkcie propusku «Pryvałka» na biełaruska-litoŭskaj miažy siłaviki sabrali i źvieźli pryparkavanyja ludźmi rovary. Zabirać ich treba budzie ŭ Hrodnie, paviedamlaje Hrodna.Life.
Kab zabrać rovar, haspadaru treba dakazać, što jon sapraŭdy jahony. Dla hetaha treba padać adpaviednyja dakumienty ci prynamsi pakazać fatahrafiju z rovaram.
Raniej na hetym samym pierachodzie tak užo rabili zimoj. Tady supracoŭniki DAI pieradali ŭ «biuro znachodak» UUS Hrodzienskaha rajvykankama kala troch dziasiatkaŭ rovaraŭ.
Raniej pry pierasiačeńni miažy na rovary možna było prajazdžać pa-za čarhoj. Hetym časta karystalisia tyja, chto jeździŭ zakuplacca, i kiroŭcy fur, jakija pracujuć za miažoj dy chočuć chutčej trapić dadomu. Jany padjazdžali na mašynie ci na fury i kala samaj miažy mianiali transpart: pa abodva baki zvyčajna było prymacavana šmat pakinutych rovaraŭ.
Ale z 14 maja ŭ hetym pamiežnym punkcie rovary pa-za čarhoj užo nie puskajuć, jany stajać u ahulnaj čarzie, čarhujučysia z mašynami pa try praz try. Praź biełaruska-polskuju miažu pierajazdžać na rovarach uvohule nielha.
Ciapier čytajuć
Kryk dušy Žyhara pra hrupu Kavaleŭskaha: Hučać zajavy, što Łukašenka lehitymny prezident, choć i nie abrany demakratyčna50
Kamientary