Rasijanie ŭzarvali Kachoŭskuju HES dystancyjna — ukrainskaja raźviedka
Dakładnyja acenki pa mahutnaści vybuchoŭki buduć paźniej.
Rasiejcy pieramiaščali vybuchovyja rečyvy i techniku dla ažyćciaŭleńnia dystancyjnaha padryvu Kachoŭskaj HES.
Pra heta zajaviŭ pradstaŭnik Hałoŭnaha ŭpraŭleńnia raźviedki Ukrainy Andrej Jusaŭ u efiry telemarafonu, piša RBK-Ukraina.
«Jość fakty pieramiaščeńnia vybuchovych rečyvaŭ, adpaviednaj techniki rašystami dla ažyćciaŭleńnia kantralavanaha dystancyjnaha vybuchu — takija fakty i dokazy, biezumoŭna, jość», — skazaŭ jon.
Jusaŭ dadaŭ, što dakładnyja acenki pa mahutnaści vybuchoŭki buduć paźniej.
Kachoŭskuju HES pabudavali ŭ 1950-ch, heta adna z najbujniejšych hidraelektrastancyj śvietu. Na bierazie Kachoŭskaha vadaschovišča raźmiaščajecca Zaparožskaja AES, jana achałodžvałasia jaho vadoj.
Uzrovień vady ŭ Dniapry nižej za HES moža padniacca na 12 mietraŭ, paviedamlajuć u administracyi Chiersonskaj vobłaści. Heta vyšynia piacipaviarchovaha doma.
Śmiarotnaja niebiaśpieka pahražaje ŭkrainskim bajcam, jakija za apošnija miesiacy ŭziali pad kantrol bałocistyja astravy na levym bierazie Dniapra.
Raźliŭ Dniapra nižej za HES robić niemahčymym jaho farsiravańnie. U toj ža čas razbureńnie płaciny spynić pastupleńnie vady ŭ Paŭnočna-Krymski kanał, što aznačaje prablemy ŭ vodazabieśpiačeńni Kryma navat paśla jaho vyzvaleńnia.
Całkam nastupstvy padryvu HES ciažka praličyć. U pryvatnaści, zastajecca biez achałodžvańnia Zaparožskaja AES, heta stvaraje pahrozu jaje avaryjnaha spynieńnia.
Što nieabchodna viedać pra Kachoŭskuju HES i da čaho moža pryvieści jaje padryŭ
Rasiejcy ŭzarvali dambu Kachoŭskaj HES. Idzie terminovaja evakuacyja
Vada biažyć šyrokim patokam: videa z razburanaj rasiejcami Kachoŭskaj HES
«Ni vadoj, ni rakietami nie spynić Ukrainy». Zialenski prakamientavaŭ padryŭ damby Kachoŭskaj HES
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary