Padčas samitu NATO ŭ Vilni vyviesiać 33 tysiačy ŭkrainskich ściahoŭ
Vilenski municypalitet dałučajecca da inicyjatyvy padtrymki ŭstupleńnia Ukrainy ŭ Aljans. 7-11 lipienia ŭ stalicy Litvy vyviesiać nie mienš za 33 000 ukrainskich ściahoŭ. Haradskija ŭłady padkreślili, što ich kupili i raźviesiać za košt arhanizataraŭ. Da inicyjatyvy zaklikajuć dałučycca žycharoŭ i administrataraŭ šmatkvaternych damoŭ, piša Delfi.
Staličnaja rada ŭchvaliła rezalucyju ab udziele ŭ inicyjatyvie «Padymaju ściah za Ukrainu ŭ NATO», jakuju arhanizujuć hramadskija arhanizacyi «Mocnyja razam» i Blue/Yellow.
11-12 lipienia ŭ Vilni projdzie samit NATO, źjeducca lidary Aljansu, tysiačy žurnalistaŭ z usich krain śvietu. Vybranaja kolkaść ściahoŭ simvalična — Ukraina mahła b stać 33-m siabram NATO.
«Z pačatku vajny my aktyŭna padtrymlivajem Ukrainu. My chočam, kab naša padtrymka była bačnaja i padčas samitu NATO. My razumiejem maštab i važnaść hetaj sustrečy ŭ kantekście suśvietnych palityčnych padziej, razumiejem i mahčymaść źviarnuć jašče bolš uvahi śvietu na stanovišča va Ukrainie i na jaje žadańnie stać siabram Aljansu», — skazaŭ mer Vilni Vałdas Bienkunskas.
Mer zaklikaje žycharoŭ i administrataraŭ šmatkvaternych damoŭ pryniać udzieł u hetaj inicyjatyvie. Jon padkreśliŭ, što dadatkova nijakich układańniaŭ nie spatrebicca: pra ŭsio pakłapociacca arhanizatary inicyjatyvy.
Ciapier čytajuć
Danyja pakupnikoŭ upryhožańniaŭ Belaruskicry mahli trapić u ruki siłavikoŭ. HUBAZiK pahražaje kryminałkaj za novyja zakazy6
Danyja pakupnikoŭ upryhožańniaŭ Belaruskicry mahli trapić u ruki siłavikoŭ. HUBAZiK pahražaje kryminałkaj za novyja zakazy
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary