Były prezident ZŠA Donald Tramp moža apynucca ŭ turmie, adnak jon moža pamiłavać siabie, kali znoŭ vyjhraje prezidenckija vybary. Pra heta piša «UP» sa spasyłkaju na byłoha fiederalnaha prakurora ZŠA Ankuša Chardory.
Sankcyja pa spravie ab nienaležnym abychodžańni Trampa z sakretnymi dakumientami praduhledžvaje 20 hadoŭ źniavoleńnia. Zrešty, kali Trampa pieravybieruć prezidentam, jon zmoža pamiłavać siabie niezaležna ad taho, nakolki daloka zojdzie sudovaje rasśledavańnie.
Eks-prezident ZŠA taksama moža daručyć hienieralnamu prakuroru spynić usie kryminalnyja spravy, jakija razhladajucca, i zakryć usie rasśledavańni, u jakich moža być zamiešany jon ci jaho paplečniki. Hetaha možna dasiahnuć, navat kali ŭ Trampa nie budzie zaćvierdžanaha Sienatam hienieralnaha prakurora, bo jon moža zvolnić luboha hienieralnaha prakurora, pakul nie znojdzie taho, chto budzie rabić toje, što jon zachoča, praciahvaje Chardory.
Mienavita tamu, ličyć Ankuš Chardory, fiederalnyja prakurory, jakija apublikavali abvinavaŭčaje zaklučeńnie ab nienaležnym abychodžańni Trampa z sakretnymi dakumientami, vyrašyli pieraličyć u im značna bolš detalaŭ, čym heta nieabchodna ź jurydyčnaha punktu hledžańnia, kab pasłać amierykanskaj hramadskaści mesedž ab surjoznaści ŭčynkaŭ Trampa.
Na dumku byłoha fiederalnaha prakurora ZŠA, abvinavaŭčaje zaklučeńnie źmiaščaje doŭhi pieralik abvinavačańniaŭ, jakija, vidać, zaklikany prademanstravać, nakolki biezadkazna Tramp pracavaŭ z dakumientami, trymajučy ich u tualecie, i jak sprabavaŭ pieraškadžać fiederalnym śledčym.
«Lepšaja i samaja prostaja abarona Trampa — praciahvać udzielničać u vybarach i pieramahčy. Navat pryznačeńnie daty suda — adnosna prostaja padzieja ŭ zvyčajnaj kryminalnaj spravie — budzie abciažarana palityčnym kalendarom da taho času, pakul Tramp zastajecca ŭ vybarnaj honcy», — dadaje Chardory.
Kamientary