Hramadstva44

«Ja navat hanarusia imi». Azaraŭ patłumačyŭ, adkul u jaho jubilejny miedal vajskovaj raźviedki

Pradstaŭnik Pierachodnaha kabinieta pa adnaŭleńni pravaparadku Alaksandr Azaraŭ atrymaŭ pamiatny nahrudny znak «Vajskovaja raźviedka Respubliki Biełaruś. 95 hadoŭ» u ramkach abmienu padarunkami pamiž siłavymi viedamstvami. Pra heta jon raspavioŭ Reform.by.

Alaksandr Azaraŭ. Fota: Ofis Śviatłany Cichanoŭskaj

Na miedal źviarnuli ŭvahu telehram-kanały, jakija śpiecyjalizujucca na dyskredytacyi dziejačaŭ demakratyčnaj supolnaści Biełarusi.

«U MUS była takaja tradycyja — dva razy na hod u Dzień milicyi i Dzień utvareńnia padraździaleńniaŭ pa baraćbie z arhanizavanaj złačynnaściu i karupcyjaj — supracoŭnikaŭ HUBAZiKa źbirali i ŭručali pamiatnyja padarunki. Nam prynosili roznyja butaforskija miedali: u pamiać zakančeńnia vajny ŭ Afhanistanie, jubilejnyja znački KDB, armii, mytni. Potym kiraŭnik HUBAZiKa raźmiarkoŭvaŭ ich siarod padnačalenych. Mnohija nie chacieli ich brać, bo nu jakaja vajna ŭ Afhanistanie. U adzin z takich dzion mnie i ŭručyli nahrudny znak z nahody jubileju vajskovaj raźviedki», — tłumačyć Azaraŭ.

Reform.by nie ŭdałosia znajści hety pamiatny znak u Dziaržaŭnym hieraldyčnym rehistry. Tam aficyjna zarehistravany anałahičnyja miedali tolki na 90– i 100-hadovy jubilei vajskovaj raźviedki.

Azaraŭ nahadaŭ, što fota kiciela ź miedalami apublikavaŭ jon sam i nie chavaje hetaha.

«U mianie jość i sapraŭdnyja dziaržaŭnyja ŭznaharody. Ja hetaha nie chavaju i navat hanarusia imi», — udakładniŭ jon.

Azaraŭ nie zmoh uspomnić, kali atrymaŭ pamiatny znak, ale paabiacaŭ pahladzieć dakumienty paźniej.

Fota kiciela ź miedalami stała asnovaj dla «rasśledavańnia» adnaho z telehram-kanałaŭ. U 45-staronkavym tekście Azaraŭ abvinavačvajecca ŭ pracy na HRU Hienštaba Minabarony i sprobie kampramietavać demakratyčny ruch. Pa sutnaści, usio «rasśledavańnie» budujecca na nahrudnym znaku. Astatniaje — hałasłoŭnyja abvinavačvańni i śviedčańni ananimnych krynic. Jość jašče adzin «dakumient», apublikavany ŭ «rasśledavańni» — nibyta daviedka-abjektyŭka z apošniaha miesca słužby A. Azarava ŭ MUS Biełarusi. Heta fotakopija troch listoŭ mašynapisnaha tekstu biez dadatkovych danych i podpisaŭ. Sapraŭdnaść «dakumienta» paćvierdzić niemahčyma. U im pieraličany miescy słužby Azarava, a taksama zapis ab tym, što z 10.2018 pa 07.2019 jon nibyta znachodziŭsia ŭ rasparadžeńni ministra abarony Respubliki Biełaruś.

«U hety čas ja byŭ načalnikam 3-ha adździeła 10-ha ŭpraŭleńnia HUBAZiKa», — koratka adkazaŭ Azaraŭ na pytańnie ab 2018-m i 2019-m hadach.

46-hadovy Alaksandr Azaraŭ — pradstaŭnik abjadnańnia byłych biełaruskich siłavikoŭ «Bajpoł» (arhanizacyja niadaŭna raskałołasia na dźvie). U minułym uznačalvaŭ 3-je ŭpraŭleńnie HUBAZiKa pa supraćdziejańni narkahandlu i handlu ludźmi, padpałkoŭnik milicyi. Paśla adychodu z hetaha miesca słužby byŭ vykładčykam u Akademii MUS. Adtul zvolniŭsia paśla 9 žniŭnia 2020 hoda, jak sam kazaŭ, uzrušany hvałtam z boku siłavikoŭ nad pratestoŭcami.

Źjaŭlajecca pradstaŭnikom stvoranaha Śviatłanaj Cichanoŭskaj Abjadnanaha pierachodnaha kabinieta pa adnaŭleńni pravaparadku.

Kamientary4

  • što jašče jany nam cikavaha na vušy pasprabujuć paviesić?
    10.07.2023
    miadalkami jany z hb abmieńvalisia... ślinaj i inšymi bijalahičnymi vadkaściami nie abmieńvalisia?
  • Tttt
    10.07.2023
    Azarovu dovierija nol. Na moj vzhlad on na zadanii. Do sich por kakajato muť s fondom. Dieńhi faktičieski styrił. On užie dołžien był samoustraniťsia pośle vsieho no niet. Naoborot stanovitsia nahleje.
  • Znoý usiudy varahi
    10.07.2023
    Viadoma što Azaraý svoj vybar zrabiý u 2020 i ryzyknuý našmat bolej čym kamientatary jakija jaho abmiarkoývajuć i toje što z Płana pieramoha nie było podćvierdžanych zlivaý dadzienych čalcoý. Astatniaje druhasnaje i chutčej usprymajecca ý kantekście spradviečnaha pošuku vorahaý i zdradnikaý miž biełaruskaj apazicyjaj.

Ciapier čytajuć

«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka1

«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka

Usie naviny →
Usie naviny

Na aŭkcyjonie karcinu Šahała pradali za 3 miljony dalaraŭ3

79‑hadovuju piensijanierku ŭ Stolinskim rajonie šukali 4 dni i znajšli žyvoj5

U Kitai praciahvajucca žorstkija čystki ŭ armii: palacieła hałava druhoha čałavieka ŭ vojsku3

«Ja dumaju, Pucin choča zaviaršyć vajnu». Tramp sustreŭsia ŭ Biełym domie ź Zialenskim23

Fiłosaf Mackievič prapanuje stvaryć varyjant biełaruskaj ruskaj movy, kab zblizić jaje ź biełaruskaj125

Polski sud admoviŭsia vydavać Hiermanii abvinavačanaha ŭ padryvie «Paŭnočnaha patoka»4

Alaksandr Azaraŭ zakryvaje fond Bypol4

U «Biełarusnafcie» raskazali, jak vyrašajuć prablemu čerhaŭ na AZS6

U minskaj Kamaroŭki źjaviŭsia kankurent. Jakija ceny na hetym «sakretnym» rynku?5

bolš čytanych navin
bolš łajkanych navin

«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka1

«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka

Hałoŭnaje
Usie naviny →

Zaŭvaha:

 

 

 

 

Zakryć Paviedamić