«Kali ŭ budučyni Biełaruś skaža NATA «tak», jak ukraincy kažuć ciapier, to i dla Biełarusi nie budzie inšaha šlachu» — eks-ministr abarony Litvy
Ministarka abarony Litvy ŭ 2008—2012 hadach, a ciapier deputatka Jeŭraparłamienta Rasa Jukniavičenie ŭ intervju kanału «Svaboda Premium» vykazała svajo bačańnie budučyni našaj krainy.
«Niemahčyma, kab na jeŭrapiejskim kantyniencie zastalisia takija režymy, jak u Biełarusi i ŭ Rasii, — adznačyła Jukniavičenie. — Abodva hetyja režymy ciapier jak bliźniaty, ich nielha adroźnić, jany zaležać adzin ad adnaho.
Budučynia Ukrainy, jaje pieramoha i toje, što kala 50 demakratyčnych dziaržaŭ śvietu dapamahajuć joj u hetym, jakraz i pryviadzie da kanca hetych režymaŭ».
Deputatka Jeŭraparłamienta ŭpeŭnienaja, što budučaje ŭstupleńnie Ukrainy ŭ Paŭnočnaatłantyčny aljans, adabjecca i na budučyni Biełarusi.
«Toje, što NATA budzie abmiarkoŭvać ustupleńnie Šviecyi i Ukrainy, a ŭ pryniaćci apošniaj u čalcy NATA niama nijakich sumnievaŭ, bo heta važna dla biaśpieki ŭsioj Jeŭropy, — heta moža dapamahčy vyznačycca ź viektaram i Biełarusi.
Kali ŭ budučyni Biełaruś skaža NATO «tak», jak ukraincy kažuć ciapier, to, viadoma, i dla Biełarusi nie budzie inšaha šlachu.
Hety samit NATA — pra toje, jak dapamahčy Ukrainie pieramahčy, tamu što
ŭsie razumiejuć, što hetaja vajna vyrašaje nie tolki budučyniu Ukrainy i nie tolki budučyniu Biełarusi, Małdovy i ŭsioj Uschodniaj Jeŭropy. Jana — pra budučyniu demakratyi ŭ śviecie, pra budučyniu ŭsioj Jeŭropy. I Biełaruś, u jakoj jość miežy ź ES i NATA, stanie vielmi važnym faktaram u budučyni.
Naohuł biełarusy zaŭsiody byli jeŭrapiejskaj nacyjaj, razam z palakami i litoŭcami vyznavali zachodnija kaštoŭnaści. Ciapier my bačym, jak Ukraina viartajecca da svaich jeŭrapiejskich karanioŭ. Dumaju, i biełarusy buduć da hetaha imknucca. Ale, viadoma, šlach budzie nie lohkim, jon u pieršuju čarhu budzie zaležać ad samich biełarusaŭ.
2020 hod pakazaŭ, što hety narod žyvy, choć paśla stolkich doŭhich hadoŭ dyktatury mnohija nie spadziavalisia na heta, dumali, što adbyłasia kančatkovaja «savietyzacyja, łukašyzacyja». Ale nie — i ja dumaju, što bolšaść biełarusaŭ, navat tych, chto zastaŭsia ŭ krainie, nie źmianili svaju pazicyju i nie stali prychilnikami Łukašenki. Tamu ja vieru ŭ budučyniu Biełarusi.
Paśla buntu Pryhožyna ŭsie, i Łukašenka ŭ tym liku, ubačyli, što Pucin słaby, tamu napieradzie ŭ nas vialikija pieramieny ŭ hetym rehijonie, i my pavinny być da hetaha hatovyja», — padkreśliła deputatka Jeŭraparłamienta.
Ciapier čytajuć
«Natalla Ejsmant moža ŭsio». Aryštavany za chabary dyrektar Pałaca Respubliki ŭžo na svabodzie i navat z novaj pasadaj9
Kamientary
Niešta mnie padkazvaje ni tolki mnie u Biełarusi..
Kab Ukraina ukraincy .....
to dzie była b heta " nata" )).