Vajna

Susiedzi Biełarusi sočać za situacyjaj z prybyćciom vahnieraŭcaŭ, ale ŭzroŭniu hatoŭnaści nie pavyšajuć

15 lipienia pastupili paviedamleńni, što ŭ Biełaruś stali pryjazdžać rasijskija najmity z PVK «Vahnier». Hetyja pieramiaščeńni nie zastalisia pa-za ŭvahaj siłavych struktur pamiežnych ź Biełaruśsiu krain, ale niešta rabić dadatkovaje da taho, što ŭžo było zroblena raniej, jany pakul nie bačać patreby.

Płakat, jaki źjaviŭsia ŭ Minsku paśla taho, jak stała viadoma ab mierkavanym źjaŭleńni ŭ Biełarusi najmitaŭ PVK «Vahnier» 

Słužba achovy dziaržaŭnaj miažy Litvy adznačyła, što pakul sočyć za situacyjaj, ale nie bačyć pryčyn dla taho, kab što-niebudź rabić dla dadatkovaj abarony miažy.

«Abarona miažy ź Biełaruśsiu ciapier dadatkova ŭzmocnienaja praź nielehalnuju mihracyju i praz samit NATA, tamu ŭzrovień nazirańnia i pilnaści vysoki», — skazaŭ pres-sakratar litoŭskaj pamiežnaj słužby Hiedrus Mišucis.

«Viadoma, my budziem sačyć za situacyjaj. Ale pakul niama prykmiet taho, što treba što-niebudź jašče rabić», — dadaŭ jon.

Dziaržsakratar kancylaryi premjer-ministra i namieśnik kaardynatara śpiecsłužbaŭ Polščy Stanisłaŭ Žaryn taksama paviedamiŭ, što Varšava sočyć za situacyjaj.

«Prybyli pieršyja vahnieraŭcy, na hety momant ich moža być niekalki sotniaŭ», — napisaŭ jon u tvitary.

Pry hetym polski čynoŭnik padkreśliŭ, što «rasijanie buduć vykarystoŭvać hrupu «Vahniera» tak, jak jany heta robiać pa ŭsim śviecie: de-fakta vahnieraŭcy vykonvajuć misii Kramla i ad imia Kramla».

U toj ža čas kamandujučy abjadnanymi siłami Uzbrojenych sił Ukrainy Siarhiej Najeŭ u apublikavanym siońnia intervju vydańniu «Apostrof» padkreśliŭ, što Rasija vykarystoŭvaje Biełaruś jak «donara ŭzbrajeńnia i vajskovaj techniki», a jaje terytoryju — jak «płacdarm, ź jakoha viadziecca raźviedka».

«Padraździaleńni Uzbrojenych sił Biełarusi, razhornutyja ŭzdoŭž ukrainskaj miažy, udarnaha patencyjału nie majuć i mohuć vykonvać tolki zadačy pa ŭzmacnieńni achovy ŭłasnaj miažy», — pierakanany vojenačalnik.

Pry hetym jon, adnak, zaŭvažyŭ, što choć pakul što ŭdarnych hrupovak RF u Biełarusi nie stvorana, Maskva «moža naraścić vajskovy patencyjał», «dla čaho ŭtrymlivaje ŭ hatoŭnaści infrastrukturu». 

«Uličvajučy mahčymaść adnaŭleńnia nastupalnych dziejańniaŭ na paŭnočnym kirunku, asablivuju aktualnaść nabyła infarmacyja ab płanach raźmiaścić na terytoryi susiedniaj dziaržavy padraździaleńni PVK «Vahnier», — zajaviŭ kamandujučy AS USU.

Čytajcie taksama:

Ukrainskija pamiežniki adsočvajuć pieramiaščeńni vahnieraŭcaŭ u Biełarusi

Minabarony Biełarusi i PVK «Vahnier» vypracavali darožnuju kartu pieradačy dośviedu

Pad Asipovičami prachodziać zaniatki z padraździaleńniami terytaryjalnych vojskaŭ. Instruktary — vahnieraŭcy

Pryhožyn načavaŭ u łahiery pad Asipovičami? Jaho sfatahrafavali ŭ adnych trusach — «Biełaruski Hajun»

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U dvoryku BNTU pamior čałaviek, jaki ŭciakaŭ ad milicyi

U dvoryku BNTU pamior čałaviek, jaki ŭciakaŭ ad milicyi

Usie naviny →
Usie naviny

«Vinny 500 rubloŭ». Biełarus vyrašyŭ zachoŭvać źbieražeńni ŭ jeŭra, ale trapiŭ u nievidavočnuju pastku1

Fatohraf-ahient Miščuk raskazaŭ svaju viersiju taho, što adbyłosia12

U Minsku zdajecca pasutačna kvatera, u jakoj niama dźviarej u prybiralniu. Z kanapy adkryvajecca vid i na televizar, i na ŭnitaz

Azaraŭ: Fatohraf-ahient Miščuk pracavaŭ u ABBA, byvaŭ doma ŭ mnohich aktyvistaŭ, adnaho ź biznesmienaŭ pasadzili paśla fotasiesii11

«Biełpoł»: Pašparty prykryćcia majuć tysiačy asobaŭ. Nie ŭsie hetyja ahienty raspracoŭvajuć apazicyju, u ich mohuć być i inšyja zadačy31

Pa minskim vakzale chodzić mužčyna sa stosam hrošaj u rukach, ale prosić hrošy na kvitok1

Biełaruskamoŭny biazdomny Homiela atrymaŭ šaniec, kab źmianić žyćcio. Što ŭ vyniku?2

Łukašenka: Treba vyraścić stolki bulby, kab chapiła i nam, i Rasii. Treba dapamahčy bratam-rasijanam13

U Muchaŭcy znajšli cieła biez hałavy i ruk. Siłaviki raskryli zabojstva 24-hadovaj daŭnaści jak u filmach pra hanhstaraŭ2

bolš čytanych navin
bolš łajkanych navin

U dvoryku BNTU pamior čałaviek, jaki ŭciakaŭ ad milicyi

U dvoryku BNTU pamior čałaviek, jaki ŭciakaŭ ad milicyi

Hałoŭnaje
Usie naviny →

Zaŭvaha:

 

 

 

 

Zakryć Paviedamić