Znak, pastaŭleny na čyhunačnym vakzale ŭ honar paŭstancaŭ 1863-64 hadoŭ, źnik, zamiest jaho visić šylda ŭ honar savieckich čyhunačnikaŭ-padpolščykaŭ, piša hrodzienski telehram-kanał 11.27.
U 1863 h. paŭstancy mieli vialikija spadziavańni na čyhunku. Jaje chacieli vykarystać dla chutkaha pierakidvańnia atradaŭ. Čyhunačniki vystupili na baku paŭstancaŭ. Sami jany byli francuzskimi paddanymi, ale mnohija byli ŭdzielnikami paŭstańnia 1830—1831 hh. abo ich dziećmi.
Uviečary 14 sakavika kala vakzała sabrałasia sotnia hrodziencaŭ, jakija chacieli dałučycca da paŭstańnia. Jany sprabavali zachapić ciahnik i źjechać u Parečča, a potym ahulnymi siłami zachapić Hrodna. Ale ŭ mituśni sa stancyi rušyŭ tolki łakamatyŭ. Dziasiatki ŭzbrojenych hrodziencaŭ zastalisia ŭ vahonach, jakija byli adčeplenyja i nikudy nie pajechali.
Paśla niaŭdałaha ŭhonu ciahnika aryštavali 73 čałavieki. 17 vieraśnia Michaił Muraŭjoŭ padpisaŭ kanfirmacyju, zhodna ź jakoj 25 hrodziencaŭ za incydent 14 sakavika vysłali ŭ Sibir.
Da Parečča dabrałasia ŭsiaho 7—8 čałaviek na čale z kiraŭnikom stancyi Hrodna Kulčyckim. Toj paśpieŭ z saboju prychapić 10 000 rubloŭ z kasy čyhunki.
Ciapier čytajuć
U Mahilovie złavili mańjaka-lifciora, jaki ŭ 1990‑ia zhvałtavaŭ i zabiŭ vosiem dziaŭčat3
U Mahilovie złavili mańjaka-lifciora, jaki ŭ 1990‑ia zhvałtavaŭ i zabiŭ vosiem dziaŭčat
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju1818
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju18
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1212
Kamientary