U niadzielu, 30 lipienia, hanarovyja siabry ČynČynČaneł Siarhiej Mikałajevič i Mikałaj Siarhiejevič zaprašajuć biełarusaŭ Varšavy pahladzieć vialiki film pra siabie lubimych «ČynČyny pralacieli kukuškaj», paviedamlaje telehram-kanał «Budźma razam».
Pavodle siužeta Siarhiej Mikałajevič i Mikałaj Siarhiejevič prybyvajuć u Ladskuju psichijatryčnuju lakarniu №1, kab naviedać zahadkavuju pacyjentku, Alenu ŽałudOk. Ništo nie viaščuje niespadziavanak, adnak…
Voś vam cytaty pieršych asob, jakija pahladzieli film:
«Paśla prahladu praraniŭ skupuju dziaržaŭnuju ślazu».
«Užo padniata pytańnie pra ŭznaharodžańnie aŭtaraŭ ordenami i dałučeńnie dadzienaha filma ŭ školnuju prahramu».
To i vy prychodźcie praranić svaju ślazu.
Film pakažuć aŭtary prajekta «ČynČynČaneł» — akciory Michaś Zuj i Alena Zuj-Vajciachoŭskaja, režysior Andrej Kašpierski i inšyja.
U vas budzie mahčymaść paznajomicca ź imi asabista, atrymać aŭtohrafy i zaŭvahi z zaniasieńniem u asabistuju spravu, nabyć ideałahična pravilnyja nalepki i badziory nastroj na ŭvieś pracoŭny tydzień, a taksama pačuć užyvuju ŭsie chity ŭzychodziačaj zorački biełaruskaj estrady Aleny ŽałudOk!
Uvachod — danat ad 25 złotych.
- Data: 30 lipienia
- Čas: uvachod — z 20:30, pačatak — 21:00 (čas miascovy)
- Miesca: Muziej volnaj Biełarusi, Foksal, 11, Varšava
Ciapier čytajuć
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń28
Kamientary