Marski łajnier z rasijskimi turystami z Sočy praz pratesty ŭ Hruzii pakinuŭ port u Batumi
U Batumi skandał z kruiznym łajnieram z rasijskimi turystami. Tyja zajavili presie, što padtrymlivajuć vajnu ŭ Hruzii 2008 hoda, heta vyklikała akcyi pratestu, piša Radyjo Svaboda.
U Batumi ranicaj 27 lipienia z Sočy prybyŭ kruizny łajnier Astoria Grande z rasijskimi turystami, ale jon byŭ vymušany pakinuć port praz akcyi pratestu, jakija pačalisia z hetaj nahody ŭ Batumi i Tbilisi.
Pratesty adbylisia ŭ centry Tbilisi i ŭ partu Batumi. Jany pačalisia paśla taho, jak rasijskija turysty ŭ intervju hruzinskim ŚMI zajavili, što padtrymlivajuć dziejańni Rasii ŭ vajnie z Hruzijaj u 2008 hodzie. U pryvatnaści, u adnym z kamientaroŭ prahučała vykazvańnie «Rasija vyzvaliła Abchaziju ad hruzinaŭ». Jašče adna turystka paviedamiła, što naviedvała Abchaziju.
U Tbilisi akcyja pratestu adbyvałasia kala hruzinskaha parłamienta. Niekalki hramadskich aktyvistaŭ spalili tam rasijski ściah. Na akcyju Ŭ Batumi ŭdzielniki vyjšli z płakatami, na jakich było napisana: «Rasija pazbaŭlaje nas našaj radzimy, žyćcia i budučyni», «Nie palitycy abrusieńnia», «Urad Hruzii nie zmoža zrabić z hruzinskaha naroda rasijcaŭ».
Suprać prychodu rasijskaha łajniera vystupiła taksama prezident Sałomie Zurabišvili.
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Kamientary