Niezaležnyja Ukraina i Biełaruś nadzvyčaj važnyja dla niezaležnaj Polščy — Andžej Duda
«Niezaležnaja Ukraina i niezaležnaja Biełaruś nadzvyčaj važnyja dla niezaležnaj Polščy, dla biaśpieki našych miežaŭ, a my, palaki, zaŭsiody stavimsia da našych miežaŭ jak da śviatyni», — zajaviŭ padčas vystupleńnia na paradzie z nahody Dnia Vojska Polskaha 15 žniŭnia ŭ Varšavie prezident hetaj krainy Andžej Duda.
Palityk adznačyŭ, što na praciahu ŭsioj historyi Polščy jaje miežy «padviarhalisia napadam, i polskija žaŭniery pralivali kroŭ, abaraniajučy ich, tamu my dobra viedajem, što abarona miežaŭ — heta adna z absalutnych asnoŭ niezaležnaści».
Paśla pierakidki ŭ Biełaruś najmitaŭ rasijskaj PVK «Vahnier» Polšča zajaviła pra namier umacavać miežy, a mienavita Suvałski kalidor i «Bresckuju bramu», jakija źjaŭlajucca «adčuvalnymi punktami».
Voś i siońnia Duda zajaviŭ:
«Usie ŭ Polščy musiać zrazumieć, što ŭvieś čas suprać nas robiacca i buduć rabicca roznyja pravakacyi. Taki ciapier čas, tamu my musim być u pastajannaj hatoŭnaści».
Pry hetym polski prezident padkreśliŭ, što pytańni biaśpieki dziaržavy nie musiać być pradmietam palityčnych sprečak:
«Zaklikaju ŭsich palitykaŭ da adkaznaści. Nie paddavajciesia na pravakacyi, nie davajcie saboj manipulavać. Biaśpieka Polščy — najvažniejšaja sprava. Abaviazak palitykaŭ — kłapacicca pra biaśpieku Polščy, palakaŭ i polek».
Čytajcie taksama:
Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma15
Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1313
Kamientary
Vied́, zavisimaja ot Rośsii i okkupirovannaja Rośsijej Biełaruś, viernieje łukašienki i ich kodła, davno narabotali na takije riešienija i takoj podchod.