«Pieravioŭ 68 jeŭra «Biełsatu» — padrabiaznaści suda nad homielskim aptekaram, jaki «finansavaŭ i sadziejničaŭ ekstremisckaj dziejnaści»
Homielski abłasny sud 16 žniŭnia pačaŭ razhlad kryminalnaj spravy 34-hadovaha Dźmitryja Makiejeva, jaki pracavaŭ zahadčykam adździeła ŭ adnoj z haradskich aptek. Sudovy praces viadzie sudździa Jaŭhien Šaršnioŭ, piša «Viasna».
Pavodle viersii dziaržabvinavačańnia, sa žniŭnia 2020-ha da lutaha 2023 hoda Makiejeŭ pieravioŭ 68 jeŭra na rachunki «Biełsata», pryznanaha ekstremisckim farmavańniem, a taksama 68 jeŭra i 78 dalaraŭ na rachunki fondu salidarnaści «Bajsoł». Bolš za hod pieraličvaŭ hrošy miedyjaresursu (jaki nie nazyvajecca), materyjały jakoha pryznanyja ekstremisckimi, — u sumie vyjšła nie mienš za 53 jeŭra i 115 dalaraŭ.
Aproč hetaha, Makiejeŭ rabiŭ fotakopii viedamasnych dakumientaŭ, jakija pastupali ŭ adras apteki, i adpraŭlaŭ ich u telehram-kanały, pryznanyja ekstremisckimi farmavańniami. Padčas pieršaha sudovaha pasiedžańnia stała viadoma, što siarod dakumientaŭ byli infarmacyja pra źvierku kartak voinskaha ŭliku vajennaabaviazanych, pra toje, što ź biełaruskaha rynku źniknuć niekatoryja miedykamienty ŭkrainskaj vytvorčaści, zvarot Biełaruskaha sajuza žančyn u suviazi ź situacyjaj na miažy, rašeńnie Ministerstva achovy zdaroŭja.
Akramia taho, mužčyna zachavaŭ videa z kamier vonkavaha videanazirańnia apteki ź pieramiaščeńniem rasijskaj vajskovaj techniki i taksama adpraviŭ u telehram-kanały.
U krasaviku minułaha hoda hamialčuk pieravioŭ 33 jeŭra na rachunki pałka Kalinoŭskaha.
71-hadovamu piensijanieru z Baranavičaŭ dali chatniuju chimiju za abrazu Łukašenku. Ale ŭzrost, na žal, nie zaŭsiody ratuje
Žychara Mahilova, jaki pavieryŭ abiacańniam siłavikoŭ i viarnuŭsia z Polščy damoŭ, asudzili na try hady kałonii
U Homieli kamuści vynieśli rekordna surovy prysud pa spravie ab «reabilitacyi nacyzmu»
Kamientary