Uradženiec Biełarusi, jaki žyvie ŭ niamieckim horadzie Hiustraŭ, ziamla Mieklenburh — Piaredniaja Pamieranija, straciŭ 51 tysiaču jeŭra, staŭšy achviaraj «luboŭnaha machlarstva» ŭ internecie, piša sajt «Biełaruś i śviet».
Jak patłumačyŭ palicyi 28-hadovy biełarus, usio ŭ jaho pačałosia z kamunikacyi na sajcie znajomstvaŭ. Na praciahu dvuch miesiacaŭ mužčyna intensiŭna pierahavorvaŭsia praz WhatsApp z žančynaj nibyta rasijskaha pachodžańnia, jakaja žyvie, pa jaje słovach, u Prazie.
U pracesie znosin dama ŭsio čaściej raskazvała biełarusu pra toje, što paśpiachova zajmajecca hrašovymi apieracyjami na anłajn-biržy. Pastupova jana zacikaviła paciarpiełaha i ŭvajšła da jaho ŭ davier. Pa jaje namovach mužčyna adkryŭ rachunak na mierkavanaj płatformie dla internet-trejdzinhu i ciaham šaści tydniaŭ zrabiŭ na jaho niekalki hrašovych pieraličeńniaŭ.
Kali z boku płatformy biełarusu, jaki ŭžo nie mieŭ svabodnych hrošaj, stali prychodzić dadatkovyja patrabavańni ab apłacie, naprykład, nieabchodnych padatkovych płaciažoŭ, kantakt byŭ raptam pierapynieny. I tolki tady paciarpieły ŭśviadomiŭ, što, mahčyma, staŭ achviaraj machlarskich dziejańniaŭ.
Ciapier pa hetym fakcie viadziecca rasśledavańnie.
Machlary vymańvajuć hrošy nie tolki ŭ małaadukavanych ludziej ci piensijanieraŭ. Voś jašče adna schiema, na jakuju moža papaścisia kožny
«U nas jość paŭnamoctvy, i my za Rasiju». Jak ašukancy prymušajuć rasijskich piensijanieraŭ padpalvać vajenkamaty
Minskaja firma prapanuje mašyny ź Jeŭropy na zamovu pa nierealna nizkich cenach. U čym padvoch?
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary