Supracoŭnicu «Naftana» aryštavali na 15 sutak za padpisku na «ekstremisckija» kanały
Sudździa Śniažana Kaliničenka 10 žniŭnia pastanaviła za padpisku na dva «ekstremisckija» kanały aryštavać na 15 sutak kamplektoŭščycu vyrabaŭ i instrumientu cecha № 021 AAT «Naftan» Ninu Barysavu.
Fota: Naftan
Pavodle materyjałaŭ spravy, miascovyja supracoŭniki milicyi vyjavili, što na staroncy ŭ fejsbuku«pravaparušalnica» raźmiaściła ekstremisckija materyjały sa spasyłkaj na kanały «Radyjo Svaboda», «Biełsat».
U sudovym pasiedžańni Barysava svajoj viny nie pryznała, ukazaŭšy na toje, što ŭ 2017 hoda zarehistravała ŭ fejsbuku staronku i nie pamiataje, kali ažyćciaviła padpisku na kanały «Radyjo Svaboda» i «Biełsat», piša «Viciebskaja viasna».
Kamientary