U Ofisie Cichanoŭskaj adreahavali na zaprašeńnie biełaruskaha pasła na ŭručeńnie Nobieleŭskaj premii
Franak Viačorka abiacaje źviazacca z Nobieleŭskim kamitetam.
«Na nobieleŭskuju cyrymoniju ŭ Osła zaprašajuć tolki tych pasłoŭ, jakija znachodziacca ŭ Narviehii. Biełaruś nie maje svajho pasła ŭ Osła (jość režymny ambasadar u Šviecyi, akredytavany taksama ŭ Narviehii). I adpaviedna, zaprašeńnia jamu nie dasyłajuć. Ale my źviažamsia z Nobieleŭskim kamitetam i pierakanajemsia, kab takoha zaprašeńnia nie było», — napisaŭ u fejsbuku daradca Śviatłany Cichanoŭskaj Franak Viačorka.
Sieryjał z zaprašeńniem biełaruskaha i rasijskaha pasłoŭ, a taksama pasła Irana startavaŭ u minuły čaćvier, kali stała viadoma, što pasły hetych krain buduć zaprošanyja na cyrymonii ŭručeńnia premij u Osła i Stakholm. U Nobieleŭskim fondzie tady zajavili, što jany imknucca pryciahnuć navat tych, chto nie padzialaje kaštoŭnaściaŭ premii. U Šviecyi, Ukrainie i biełaruskaj dyjaspary aburylisia takim zaprašeńniem, i ŭ subotu Nobieleŭski kamitet adklikaŭ zaprašeńni.
Ale ŭ paniadziełak viečaram stała viadoma, što pasłoŭ zaprosiać na ŭručeńnie premii miru ŭ Osła.
Pasła Biełarusi zaprasili na bankiet z nahody ŭručeńnia Nobieleŭskich premij
MZS Ukrainy raskrytykavała rašeńnie zaprasić biełaruskaha i rasijskaha pasłoŭ na ŭručeńnie Nobieleŭskich premij
Nobieleŭski fond adklikaŭ zaprašeńnie pasłam Biełarusi, Rasii i Irana na ŭračystaści
Biełaruskaha i rasijskaha pasłoŭ usio ž pazvali na ŭručeńnie Nobieleŭskaj premii miru
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili24
Kamientary